კახეთის გზატკეცილზე გაზგასამართ სადგურზე აფეთქება მოხდა

კახეთის გზატკეცილზე გაზგასამართ სადგურ "ფასგაზში" აფეთქება მოხდა. "ფორდის" მარკის ავტომანქანა გაზგასამართ სადგურზე გაზის დატუმბვის დროს აფეთქდა. მძიმედ დაშავდა ავტომანქანის მძღოლი და გაზგასამართი სადგურის თანამშრომელი. წინასწარი ინფორმაციით, აფეთქება ავტომანქანაში ჩამონტაჟებულმა კუსტარულად დამზადებულმა გაზის ბალონმა გამოიწვია.

ადგილზე ოთხი სახანძრო ბრიგადა მუშაობდა და ხანძრის ლიკვიდაცია რამდენიმე წუთში მოხერხდა.

"ინტერპრესნიუსი"