"ოფისებში, მაღაზიებსა და დახურულ შენობებში კონდიციონერების გამოყენება ჯერჯერობით ნებადართული არ იქნება" - იმნაძე

"ოფისებში, მაღაზიებში, ბანკებსა და დახურულ შენობებში საყოფაცხოვრებო კონდიციონერების ჩართვა, რომლებიც შიგნით ჰაერს ატრიალებენ, მაღალი რისკი შემცველია" - ამის შესახებ დაავადებათა კონტროლის ეროვნული ცენტრის დირექტორის მოადგილემ პაატა იმნაძემ განაცხადა.

მისი თქმით, მიუხედავად იმისა, რომ ზაფხულში კონდინციონერის გარეშე გაჭირდება, მისი გამოყენება "ჯერჯერობით ნებადართული არ იქნება".

"ის კონდიციონერები, რომელიც ჩვენთან გამოყენება, ე.წ. საყოფაცხოვრებო კონდიციონერები, რომელიც შიგნით ჰაერს ატრიალებს, მათი გამოყენება ჯერჯერობით არსებული მონაცემებით, მაღალი რისკის შემცველია.

გაგვიჭირდება, მიჩვეულები ვართ, მაგრამ ჯერჯერობით მათი გამოყენება ნებადართული არ იქნება. იყო კითხვა, რატომ შეიძლება თვითმფრინავში კონდინცირება.

თვითმფრინავის სისტემებს უყენიათ ჰეპაფილტრები, სპეციალური ფილტრები, რომელიც ვირუსებს აკავებენ, ასეთი ფილტრები ლაბორატორიებში დგას, უსაფრთხოების კაბინეტებში, სადაც ჩვენ ვმუშაობთ“,- განაცხადა იმნაძემ.