"ამფერი ბაღანაი აქანე უნდა ვაგორებდე ბურთს?!" - გურული ბიჭი, რომელმაც ერთი ნახვით შეაყვარა თავი ინტერნეტმომხმარებელს

სოციალურ ქსელში სუპერპოპულარული გახდა გურული ბიჭუნა, რომელმაც ინტერნეტმომხმარებლების გულები ერთი ნახვით დაიპყრო. წითური, ხუჭუჭთმიანი ბიჭი სკოლის მოსწავლე აკაკი რუსიეშვილია, რომელიც გურიაში ცხოვრობს.

"ანანო გოროზიას მადლობა ამ საოცარი ფოტოსთვის! ნებართვა აღებულია ბიძიებიდან, მეზობლებიდან, მეგობრებიდან და მშობლებიდანაც...

ეს ბავშვი შემხვდა ქუჩაში, მეგობრებთან ერთად თამაშობდა... იმდენი ვუყურე, ბოლოს მივედი და ვთხოვე ფოტოს გადაღება. უცებ თავში შემოირტყა ხელი და ჩაილაპარაკა როგორც ძირძველმა გურულმა: "ამ კვირაში უკვე მეოთხეჯერ მიღებენ ფოტოს და ამფერი ბაღანაი აქანე უნდა ვაგორებდე ბურთსო?!" შემომხედა და ერთი, ორი, სამი... მიიღო პოზა. ჩვეულებრივად შემიყვარდა! - ვკითხულობთ "ფეისბუქზე" გავრცელებულ ფოტოსა და პოსტში.