"არავინ არსად არ მიდის, ეს არის "ფეიკ ნიუსი" - წულუკიანი გახარიას შესაძლო გადადგომაზე
იუსტიციის მინისტრი თეა წულუკიანი კატეგორიულად უარყოფს ინფორმაციას პრემიერ გახარიას შესაძლო გადადგომის თაობაზე. მისი თქმით, ბოლო დღეებში გავრცელებული ინფორმაცია სახელისუფლებო გუნდის დაშლის შესახებ ყალბია და კონკრეტული პოლიტიკური ძალის მიერ არის გავრცელებული:
"მრავლად ვრცელდება ბოლო დღეეში ყალბი ინფორმაციები, თითქოს წულუკიანი მიდის საკონსტიტუციო სასამართლოში - ეს არის "ფეიკ ნიუსი". შემდეგ ვრცელდებოდა, თითქოს წულუკიანი მიდის პარლამენტის თავმჯდომარედ - ესეც არის "ფეიკ ნიუსი", ხოლო გუშინ ვიხილეთ ოპოზიციის სატელევიზიო მედიასაშუალებებით შექმნილი ახალი ყალბი ინფორმაცია, პრემიერ გახარიას გადადგომასთან დაკავშირბით - ესეც ე.წ ფეიკ ნიუსია.
არავინ არსად არ მიდის, ბატონი გახარია არის პრემიერ-მინისტრი, რომელიც ჩვენს გუნდს მიიყვანს საბოლოო გამარჯვებამდე არჩევნებში, როგორც პრემიერი. ჩვენ ყველა ვრჩებით იქ, სადაც ამჟამად გვხედავთ და ეს იქნება გუნდი, რომელიც არამხოლოდ პანდემიას დაამარცხებს, არამედ იქნება სახელისუფლებო გუნდი, რომელიც მორიგჯერ დემოკრატიული არჩევნებით დაამარცხებს სერიოზულ პრობლემას, რომელსაც ქვია "ფეიკ ნიუსების" შემქმნელი ოპოზიცია და მათი მედიასაშუალებები" - განაცხადა იუსტიციის მინისტრმა მთავრობის სხდომის დასრულების შემდეგ გამართულ ბრიფინგზე.
"მოღალატეობრივი პოლიტიკა ვერასდროს დაიმკვიდრებს თავს...საკუთარი ხელით ჩამოვხსნი ამ ბანერებს", - აჭარაში "პატრიოტთა ალიანსის" ბანერი ჩამოხნეს
"შმატრიოტები" - რას ამბობენ "ქართულ ოცნებაში" "პატრიოტთა ალიანსზე", რომლის საარჩევნო ბანერზეც აჭარა ოკუპირებული რეგიონების მსგავსადაა მონიშნული
