ავტორი:

საქართველოს ეროვნული უნივერსიტეტი SEU-ს ფსიქოლოგიის ფაკულტეტის ინიციატივით გაიმართა ონლაინ პანელ-დისკუსია თემაზე: "COVID-19-ის პანდემიის შემდგომი ფსიქო-სოციალური გამოწვევები"

საქართველოს ეროვნული უნივერსიტეტი SEU-ს ფსიქოლოგიის ფაკულტეტის ინიციატივით გაიმართა ონლაინ პანელ-დისკუსია თემაზე: "COVID-19-ის პანდემიის შემდგომი ფსიქო-სოციალური გამოწვევები"

“საქართველოს ეროვნული უნივერსიტეტი SEU”-ს ფსიქოლოგიის ფაკულტეტის ინიციატივით გაიმართა ონლაინ პანელ-დისკუსია თემაზე: "COVID-19-ის პანდემიის შემდგომი ფსიქო-სოციალური გამოწვევები".

ხშირად პოსტ კრიზისული პერიოდი ჩვენს ფსიქიკურ ჯანმრთელობას და სოციალურ ურთიერთობებს გამოწვევების წინაშე აყენებს. პანელური დისკუსიის მიზანი იყო დარგის სპეციალისტების მიერ პანდემიის შემდგომი ფსიქო-სოციალური გამოწვევების შესახებ მსჯელობა და სტრეს ფაქტორებთან გამკლავების სტრატეგიების გაზიარება. დარგის ლიდერებს საშუალება მიეცათ დისკუსიის ფარგლებში გაეზიარებინათ თავიანთი იდეები, გამოცდილება და მსმენელებს შესთავაზეს იმ აქტუალური პრობლემების გადაწყვეტის ხერხები, რომელთა წინაშეც დღეს მსოფლიო დგას.

პანელ- დისკუსიას, რომელშიც მონაწილეობდნენ ფსიქიკური ჯანმრთელობისა და განათლების სპეციალისტები, როგორც საქართველოდან, ასევე საზღვარგარეთიდან , მოდერატორობა “საქართველოს ეროვნული უნივერსიტეტი - SEU”-ს მოწვეულმა ლექტორმა, ფსიქიკური ჯანმრთელობის სპეციალისტმა და ევროსაბჭოს მიერ სერტიფიცირებულმა ტრენერმა - გიორგი დონაძემ გაუწია.

პანელ-დისკუსია შემდეგ სპიკერებს მიყავდათ:

  • სოფია ქუნ-ნატრიაშვილი - ვენის საუნივერსიტეტო კლინიკის ბავშვთა და მოზარდთა ფსიქიატრიული დეპარტამენტის უფროსი ექიმი, ვენის სასჯელაღსრულების დეპარტამენტის მოზარდთა ფსიქიატრიული სამსახურის ხელმძღვანელი, ბავშვთა და მოზარდთა ფსიქიატრი ექსპერტი. ბავშვთა და მოზარდთა ნეიროფსიქიატრიული ცენტრის "სანნი ქიდს"- ისა და ,,SEU კლინიკის” მოწვეული სპეციალისტი;

👉 თემა: პანდემიის გავლენა ბავშვისა და მოზარდის მენტალურ ჯანმრთელობაზე

  • მაგდა ფერაძე, საქართველოს ეროვნული უნივერსიტეტი სეუ-ს მოწვეული ლექტორი, ფსიქო თერაპიის სახლ ,,კამარას’’ ფსიქოთერაპევტი, გეშტალტთერაპევტი;

👉 თემა: პანდემია და ადიქტები

  • ნოდარ სარჯველაძე, საქართველოს ეროვნული უნივერსიტეტი სეუ-ს აფილირებული პროფესორი, ფსიქოლოგ-კონსულტანტი;

👉 თემა: ფსიქო-კონსულტირება COVID-19 თან თანაცხოვრების პირობებში

  • თამუნა აზმაიფარაშვილი, საქართველოს ეროვნული უნივერსიტეტი სეუ-ს მოწვეული ლექტორი, ფსიქოანალიტიკოსი, ფსიქოთერაპევტი.

👉 თემა: იზოლაციიდან-ინტეგრაციამდე

  • ეკა ჭყონია - საქართველოს ეროვნული უნივერსიტეტი სეუ-ს მოწვეული ლექტორი, ფსიქიატრი, საქართველოსფსიქიატრთა ასოციაციის თავმჯდომარე;

👉 თემა: ფსიქიკური აშლილობების პრევენცია ეპიდემიისა და სოციალური იზოლაციის პირობებში

  • ნინო ოკრიბელაშვილი - ფსიქიატრი, ივ.ჯავახიშვილის სახელობის თბილისის სახელმწიფო უნივერსიტეტის ვიცე რექტორი, ფსიქიკური ჯანმრთელობის და ნარკომანიის პრევენციის ცენტრის გენერალური დირექტორის მოადგილე;

👉 თემა: პოსტ პანდემიური ეპოქისთვის ფსიქო-სოციალური მზაობა

  • შორენა რუხაძე - ბავშვთა და მოზარდთა ნეირო-ფსიქიატრიული ცენტრის "სანნი ქიდს"- ის ადრეული განვითარების სპეციალისტი;👉 თემა: დისტანციური მუშაობა ადრეული განვითარების პროგრამის ფარგლებში
  • ნინო ლაბარტყავა - ივ.ჯავახიშვილის სახელობის თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტის ასოცირებული პროფესორი, მასწავლებელთა პროფესიული განვითარების ეროვნული ცენტრის სკოლამდელი აღზრდისა და განათლების პროგრამის მენეჯერი;

👉 თემა: დაწყებით კლასებში ონლაინ სწავლების დადებითი მხარეები და გამოწვევები

  • ილია ნიკაჭაძე - ფსიქოკონსულტანტი, პორტალ psychologist.ge დამფუძნებელი;

👉 თემა: პანდემიის შემდგომი ოჯახური ურთიერთობები

  • ანა არველაძე - სოციალური ფსიქოლოგიის მაგისტრანტი, ნლპოსტატი, ლონდონის 🇬🇧 ნლპ სკოლის პრაქტიკოსი, ქოუჩი, ტრენერი;

👉 თემა: კრიზისი, როგორც შესაძლებლობა;

  • ნათია ზუკაკიშვილი - „ზიგმუნდ ფროიდის უნივერსიტეტი“, მაგისტრატურა: ფსიქოთერაპიის მეცნიერება. სამუშაო ადგილი: ავსტრია, ვენა: ზიგმუნდ ფროიდის ამბულანსი (SFU): ფსიქოანალიტიკოსი, ზედამხედველობის ქვეშ

👉 თემა: შფოთვითი და პანიკური აშლილობა COVID-19-ის დროს

შეხვედრა 4 საათის განმავლობაში უწყვეტად მიმდინარეობდა ფეისბუქ ლაივის საშუალებით უნივერსიტეტის ოფიციალურ გვერდზე. . პანელ-დისკუსიას 15000-მდე ფეისბუქ გვერდის მომხმარებელი ესწრებოდა და მოხსენებებისა და ინტენსიური კითხვა-პასუხის რეჟიმში განხილული იყო ისეთი მნიშვნელოვანი საკითხები, როგორებიცაა: ფსიქიატრის როლი COVID-19-ის დროს, იზოლაციის შედეგად გამოწვეული მოსალოდნელი ტოქსიკური შედეგები, კრიზისის ეტაპები, ბრაზის/განრისხების ეფექტი, კლასიკური ამრიდებლური ქცევა, „უსაფრთხო მარტოობის“ დადებითი ასპექტები, პოსტტრამვული სტრესის სიმპტომები, კატასტროფისადმი რეაგირების ფაზები, COVID-19 და განათლების სისტემა, კორონავირუსის გავლენა ფსიქიკური აშლილობის მქონე პირებზე, პანდემიის პერიოდში მიღებული ზომების გავლენა ფსიქიკური აშლილობის მქონე პირთა ჯანმრთელობაზე, სამედიცინო დახმარებაში განხორციელებული ცვლილებების გავლენა, დაწყებით კლასებში დისტანციური სწავლების სირთულეები და რეკომენდაციები.

აღსანიშნავია, რომ ამ პლატფორმის გამოყენებით “საქართველოს ეროვნული უნივერსიტეტი SEU”-ს ინიციატივით არაერთი ონლაინ პანელ-დისკუსია გაიმართა და თემის მნიშვნელობიდან გამომდინარე SEU კიდევ ბევრ საინტერესო დისკუსიას გვპირდება.

R

საიდან მოდის ფოტოწიგნების იდეა და რატომ არის მისი ბუმი ციფრულ ერაში?

სილამაზის დღეები „ავერსში“

70-წლიანი ისტორია გრძელდება - „აია“, პირველი ქართული ბრენდული ლუდი დაბრუნდა