"წყლით კორონავირუსი არ გადადის... აუზზე და ზღვაში ბანაობა საშიში არ არის" - პაატა იმნაძე

დაავადებათა კონტროლის ცენტრის ხელმძღვანელის მოადგილის პაატა იმნაძის თქმით, აუზზე და ზღვაში ბანაობა საშიში არ არის.

მისი თქმით, წყლით კორონავირუსი არ გადადის, თუმცა საჭიროა დისტანცია გარუჯვის დროს.

"დღეს რაც არსებობს მეცნიერული მტკიცებულებები, წყლით ეს ვირუსი არ გადადის. თუმცა ფეკალიებით ეს ვირუსი გამოიყოფა. ზღვაში და აუზზე ბანაობა საშიში არ არის. მითუმეტეს, ყველა აუზი იქლორება... უნდა ვიყოთ ფრთხილად გასახდელებთან და უნდა ვიყოთ ფრთხილად პლიაჟებზე და აუზთან არსებულ სივრცეებთან, სადაც ასევე დისტანცია უნდა იყოს დაცული გარუჯვის დროს"- განაცხადა პაატა იმნაძემ "ღამის კურიერის" ეთერში.