რას ამბობს ხათუნა ზახაშვილი სადაზღვევო კომპანია "უნისონის" თანამშრომელზე, რომელსაც COVID-19 დაუდგინდა
დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელის, ხათუნა ზახაშვილის განცხადებით, კორონავირუსით ინფიცირების ხუთი ახალი შემთხვევიდან ერთი სადაზღვევო კომპანია "უნისონის" თანამშრომელია.
როგორც ხაზაშვილმა "ინტერპრესნიუსს" განუცხადა, ჯერჯერობით უცნობია, რამდენად უკავშირდება მისი დაინფიცირება სამსახურს.
"კვლევაშია და სამსახურთან კავშირში რამდენად არის, ეს ჯერ არ არის გამოკვეთილი. მიმდინარეობს მისი კონტაქტების დადგენა, დაზუსტება, რა ტიპის კონტაქტი იყო და ამის შემდეგ, რა თქმა უნდა, გატარდება შესაბამისი ღონისძიებები, ან გადაიყვანენ კარანტინში ან შესაძლოა არ საჭიროებდნენ ამას“ , - განაცხადა ზახაშვილმა.
რაც შეეხება დანარჩენ შემთხვევებს, როგორც ხათუნა ზახაშვილი აღნიშნავს, სად მოხდა ინფიცირება, ჯერჯერობით უცნობია.
"სავარაუდოდ დამოუკიდებელი შემთხვევებია და ერთმანეთთან კავშირი არ აქვს, მაგრამ სად მოხდა მათი ინფიცირება ჯერ კვლევაშია", - განაცხადა ზახაშვილმა.
ცნობისთვის, დღეს საქართველოში კორონავირუსის დადასტურებული შემთხვევების რაოდენობა 5-ით გაიზარდა და ამ დროისთვის 827-ს შეადგენს.
როგორც ამირან გამყრელიძემ განაცხადა, ხუთივე შემთხვევაში დაინფიცირების წყარო უცნობია.
საქართველოში კორონავირუსით ინფიცირებულთა რაოდენობა გაიზარდა - “ვირუსი დაუდგინდა რესპუბლიკური საავადმყოფოს სამ ექიმს”
"არ ვიცოდი, რომ ფეხმძიმედ იყო... ამბობდა, სიმსივნე მაქვსო" - რას ამბობს მეუღლე გოგონაზე, რომელმაც სიღნაღში ჩვილი ქუჩაში დატოვა
