"ერთად შეხმატკბილებულები ჩამოვლენ" - ნუკრი ქანთარია ბესელიას და ოხანაშვილს სამოგზაუროდ წასვლას სთავაზობს
რასაც ეს ორი დღეა ბატონი ანრისა და ქალბატონი ეკას პაექრობას ვუყურებ, მიჩნდება აზრი, რომ კარგი იქნება, თუ ორივე ერთად სამოგზაუროდ წავა, - ამის შესახებ საპარლამენტო უმრავლესობის წევრმა ნუკრი ქანთარიამ პარლამენტის პლენარულ სხდომაზე განაცხადა. ამით ქანთარია გამოეხმაურა დამოუკიდებელი დეპუტატის ეკა ბესელიასა და იურიდიულ საკითხთა კომიტეტის ანრი ოხანაშვილის დისკუსიას პირბადის ტარების წესის შესახებ კანონპროექტის განხილვისას.
"რასაც ეს ორი დღეა ბატონი ანრისა და ქალბატონი ეკას პაექრობას ვუყურებ, მიჩნდება აზრი, რომ კარგი იქნება, თუ ორივე ერთად სამოგზაუროდ წავა. იქიდან ალბათ, ან ერთი ჩამოვა, ან ორივე ერთად შეხმატკბილებულები ჩამოვლენ,“ - განაცხადა ნუკრი ქანთარიამ.
მას თავის მხრივ, ეკა ბესელიამ უპასუხა, რომელმაც აღნიშნა, რომ ერთმანეთს ნუკრი ქანთარია და ანრი ოხანაშვილი უფრო უგებენ.
"ჩემო ნუკრი, შენ და ანრი უფრო უგებთ ერთმანეთს. ერთ ხმასა და ერთ ლექსიკაზე მეტყველებთ. ამიტომ გინდა იმოგზაურეთ და გინდა სხვა რამე აკეთეთ ერთად. ძალიან უკბილო ხუმრობა გამოგივიდა,“ - მიმართა ბესელიამ ნუკრი ქანთარიას.
საქართველომ აზერბაიჯანისა და სომხეთის მიმართულებით სამხედრო ტვირთების გატარება დროებით შეაჩერა - უსაფრთხოების საბჭოს განცხადება
ეთერშია თოქ-შოუ "360 გრადუსი"
