ემოციური დამშვიდობება მაშველ ძაღლებთან - "ფანი, ჯესი, ბელა, სალი, ბინგო და რეი სამსახურებრივ მოვალეობას აღარ შეასრულებენ"
მაშველი ძაღლები საგანგებო სიტუაციების მართვის სამსახურის ბაზიდან გააცილეს. ემოციურ ვიდეო და ფოტოკადრებს საგანგებო სიტუაციების მართვის სამსახური ავრცელებს.
"ფანი, ჯესი, ბელა, სალი, ბინგო და რეი დღეიდან სამსახურებრივ მოვალეობას აღარ შეასრულებენ. მათ 12 წელი გაატარეს სამსახურში და ამ ხნის განმავლობაში არაერთ სამაშველო ოპერაციაში აქვთ მონაწილეობა მიღებული. დღეიდან ისინი სახანძრო-სამაშველო ძალების განყოფილებებში გადაინაცვლებენ და მათზე ზრუნვას მეხანძრე-მაშველები გააგრძელებენ.
საგანგებო სიტუაციების მართვის სამსახურის კინოლოგიურ დანაყოფს კი უკვე შეუერთდა მომავალი თაობის მაშველი ძაღლი, ბელგიური მალინუა - ტინტო. სამსახურს ახალი ძაღლების მიღება და გაწვრთნა აქვს დაგეგმილი.
მაშველ ძაღლებს, საგანგებო სიტუაციების მართვის სამსახურის უფროსის მოადგილე, ლევან ღირსიაშვილი, მეხანძრე-მაშველები და კინოლოგები განსაკუთრებულ საგანგებო სიტუაციებზე რეაგირების ბაზაზე გამოემშვიდობნენ".
კორონავირუსის 2 ახალი შემთხვევა ბათუმში - აჭარა ბოლო ორი თვის განმავლობაში "მწვანე ზონა" იყო
რძის პროდუქტები, რომლებშიც რძე არ აღმოჩნდა - თბილისის მაღაზიებში ჩატარებული კვლევის შედეგები
