ავტორი:

"საქართველოში დაისვენეთო... ეს დასვენება საკუთარი ხალხის გატყავებაში გამოიხატება?" - რას წერს თამარ ივერი მარტვილის კანიონზე არსებულ სიტუაციაზე

"საქართველოში დაისვენეთო... ეს დასვენება საკუთარი ხალხის გატყავებაში გამოიხატება?" - რას წერს თამარ ივერი მარტვილის კანიონზე არსებულ სიტუაციაზე

ოპერის მომღერალი თამარ ივერი "ფეისბუქის" პირად გვერდზე მარტვილის კანიონის მონახულებისას მომხდარ ამბავს აღწერს და ადგილობრივი ტურიზმის პრობლემებზე ამახვილებს ყურადღებას:

"მარტვილის კანიონი!

სამწუხაროდ, უზარმაზარი კორუფციის ბუდე! მაშინ, როცა მთავრობა დაგვძახის საქართველოში დაისვენეთო... ვერ ვხვდები, ეს "დასვენება საკუთარი " ხალხის დამატებით გატყავებაში გამოიხატება?

გუშინ, სტუმრებთან და ბავშვებთან ერთად ავედი მარტვილის კანიონის სანახავად. 4 კაცი და 2 ბავშვი ვიყავით და თითო კაცზე, ნავის ჩათვლით (ისე რა აზრი აქვს ნაპირებზე სეირნობას)... არც მეტი არც ნაკლები 1 კაცზე 26 ლარი მოგვთხოვეს. უცხოელს 35-40 ლარს ვართმევთო. ბავშვები ნახევარი ფასიო (როცა მსოფლიოში 6 წლამდე ბავშვები უფასოდ დაიშვება) ერთ ნავში 7 კაცი ეტევაო და ანუ... რაღაც 15-20 წუთი ნავით, ისიც მხოლოდ პირველ ჩანჩქერამდე "გაფხარკალება" 100 ლარზე მეტი უნდა დაგვჯდომოდა. ესაა ყველა ტურობიექტზე "ტურიზმის რეალური ხელშეწყობა"! წარმომადგენელი მეუბნება: ქალბატონო, გვაქვს სამთავრობო დათვალიერების მხარეცო და თუ იცნობთ ვინმეს... ანუ, მიჰყავდა საუბარი იქეთ რომ, თუ ვინმეს "ზემოდან დავარეკვინებდი" უფასოდაც შეგვიშვებდნენ. თურმე, ჩემი ქვეყნის მთა და ბარი რომ ვნახო, ან "ზემოთ" უნდა ვთხოვო ვინმეს, ან აბსურდული თანხები ვუხადო "სახელმწიფოს ობშიაკს".

შემდგომი ჩემი შეკითხვა იმ წარმომადგენლისადმი იყო, რას ხმარდება ეს ამხელა თანხები? აქაური ინფრასტრუქტურის გალამაზება-მოვლას? რაზედაც, იმ კაცმა ღიმილით და თვალის ჩაკვრით მითხრა "არა ქალბატონო რა ინფრასტრუქტურას, თბილისში მიდის ეს თანხებიო. ანუ, რეალურად ილექება "სადღაც, ვიღაცის ჯიბეში"! ეს არ ხმარდება თავად აქაურობას (!!!) ანუ, შენ მხოლოდ ბუნებრივი მთა და ბარის ნახვით აკეთებ ფულს, ამაში თეთრი არ გეხარჯება და ჩემი თანხა სადღაც გაურკვეველ მისამართზე მიდის თბილისში. და ისმის კითხვა, რატომ თბილისში?

ჩვენს იქ კამათში მოვიდა კიდევ ერთი ქართველი ოჯახი ბავშვებით, რომლებსაც ასევე შესვლა უნდოდათ. ფასის გაგების შემდგომ, მშობლების თვალებში საოცარმა სასოწარკვეთილებამ დაისადგურა და ბავშვებს უთხეს... არა, წავედით შვილო, არა გვაქვს ამის საშუალებაო. ბავშვების სახეზე საოცარი განხიბლვა აღიბეჭდა. გული დამეწვა მათი ყურებით და მიუხედავად იმისა, რომ ჩემი მეუღლე უფრო "კანონმორჩილი" ბიჭია, სტუმრების გამო მოერიდა ასეთ "გარჩევას" წაიღო ხელი საფულისკენ რომ მაინც შევსულიყავით... მე კი, გამოვბრუნდი და იმ ოჯახს სოლიდარობა გამოვუცხადე. წარმომადგენელს განვუცხადე: "პრინციპის ამბავია, თქვენი მაფიოზური სქემით და ქორვაჭრული ფასების ტარიფებით... ჩემი ფეხი არ იქნება თქვენს ღირსშესანიშნავ ადგილზე-მეთქი" და უკან გამოვბრუნდი ჩემი სტუმრებიანად.

აი ასე!!! დღეს უკვე აღარავინ არ არის არცერთი კანიონის თუ ნაკრძალის ნახვის ხამი! მესმის ვიღაც კერძო ადამიანის ტერიტორია-ობიექტი ყოფილიყო და მეპატრონის ნებაა, რა თანხას დაადებს, მაგრამ როცა სახელმწიფო გატყავებს ოფიციალურად თან ასეთი მაღალი ტარიფით და თან შენი გადახდილი თანხა იქ მდგომმა მუშაკებმაც კი არ იციან, სად და ვისთან ილექება... წავალ და ტელევიზიით ან ინტერნეტში ვნახავ საკუთარი ქვეყნის ღირსშესანიშნაობებს და ვიღაცა ჩინოვნიკების ჯიბეს არა და არ გავამდიდრებ!

კარგი იქნება თუ ტელევიზიის საგამოძიებო ჯგუფები დაინტერესდებიან, როგორც მარტვილის კანიონის, ისევე სხვა ტურისტული ობიექტების თანხების "მიღება/ჩაბარებების" საკითხით, რადგან ანალოგიური სიტუაციებია თითქმის ყველა სხვა "ღირსშესანიშნავ ადგილებში". მე თუ მკითხავ, საქართველოს გაღატაკებული მოქალაქისთვის შესვლა ყველგან ან უფასოდ ან სიმბოლური ფასი,1-2 ლარი უნდა ღირდეს, რომ მას სურვილი გაუჩნდეს მისი ქვეყნის ღირსშესანიშნაობების მონახულების და ბავშვების წაყვანის. ისედაც, იქამდე მისასვლელ საწვავში ეხარჯება საკმაო თანხა, მაგრამ მერე იმ NN ჩინოვნიკებს და "ადგილის კრიშებს" ჭამა ხომ უნდათ? დროა, ასევე გაირკვეს უცხოეთის მოქალაქეებს სად რა ტარიფებს ახდევინებენ, რადგან ამ საკითხშიც დიდი განუკითხაობა და კითხვის ნიშნებია. ყველა ობიექტზე გემრიელად რომ აჭრიან ყურებზე ხახვს... ეგ ფაქტია!", - წერს მომღერალი.

AMBEBI.GE კომენტარისთვის, მარტვილის კანიონის ადმინისტრაციას დაუკავშირდა, სადაც განგვიცხადეს, რომ ოფიცილაურ განცხადებას მოგვიანებით გააკეთებენ.

"ხუთი მკვლელი! ხუთი  ცოცხლად მოსიარულე გვამი!“ - რას წერს გიორგი შაქარაშვილის და პროკურატურის ბრიფინგის შემდეგ

თეონა კონტრიძე  "ბატკას" წინააღმდეგ - "ბელორუსი ხალხისა და დემოკრატიის მხარეს ვარ!"

ზურა ყიფშიძე დღეს 67 წლის გახდა - ოჯახის წევრების ემოციური მილოცვა იუბილარ მსახიობს