აზერბაიჯანში ბაქო-სუფსის ნავთობსადენის ერთ-ერთი მონაკვეთის მიმდებარე ტერიტორიაზე ხანძარი გაჩნდა, თუმცა ნავთობსადენი ხანძარს გადაურჩა.
სააგენტო "APA"-ს ინფორმაციით, ხანძარი გუშინ შამქირის რაიონში სოფელ ბაირამლიში გაჩნდა. შედეგად დაიწვა 3 ჰექტარი მიწის ფართობი.
მეხანძრეებმა ბაქო-სუფსის ნავთობსადენის ხანძრისგან დაცვა შეძლეს. ამ დროისთვის ხანძარი სრულად ლიკვიდირებულია.