"ჭრილობები აქვს თავ-კისრის და გულ-მკერდის არეში, ასევე ქვემო კიდურებზე" - ძაღლის მიერ დაგლეჯილი ქალის მდგომარეობა სტაბილურად მძიმეა

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის ლევან რატიანის განცხადებით, ქალის მდგომარეობა, რომელიც გუშინ თბილისში ძაღლმა დაგლიჯა, სტაბილურად მძიმეა.

როგორც "ინტერპრესნიუსს" რატიანმა განუცხადა, პაციენტს ოპერაცია ჩაუტარდა და ის მართვითი სუნთქვის აპარატზე რჩება.

"აღენიშნება ნაკბენ-ნაფლეთოვანი ჭრილობები თავ-კისრის არეში, გულ-მკერდის არეში და ორივე ქვემო კიდურზე“, - განაცხადა რატიანმა.

ცნობისთვის, არსებული ინფორმაციით, ძაღლი 67 წლის ქალს გუშინ, თბილისში წინამძღვრიშვილის ქუჩაზე თავს დაესხა. შემთხვევის ამსახველი კადრები "რუსთავი 2"-მა გაავრცელა.

როგორც კადრებიდან ირკვევა თავდასხმის დროს ადგილზე მყოფები ქალისგან ძაღლის მოშორებას უშედეგოდ ცდილობდნენ, რის შემდეგაც ერთ-ერთმა მამაკაცმა ძაღლს იარაღიდან ესროლა.

• VIDEO: მოარიდეთ ეკრანს ბავშვები! - უმძიმესი კადრები, როგორ დაგლიჯა ძაღლმა ქალი წინამძღვრიშვილის ქუჩაზე