მეორე მსოფლიო ომის პერიოდის იშვიათი ფერადი ფოტოები - როგორი იყო სამყარო სინამდვილეში

მეორე მსოფლიო ომის ამსახველი ფერადი კადრები იშვიათია. იმ დროინდელ სამყაროს შავ-თეთრი ფოტოებით ვიცნობთ. ფერადი ფოტოგრაფია მაშინ ახალი ხილი იყო, ახალი ტექნოლოგია, რომელსაც ჯერ კიდევ იშვიათად იყენებდნენ.

მიუხედავად ამისა, არსებობს ფერადი სურათები, რომლებიც მეორე მსოფლიო ომის პერიოდს ასახავენ და რომლებიც ბრიტანეთში, ომების მუზეუმშია დაცული. მუზეუმმა ახლახანს გამოქვეყნა წიგნი, სადაც აღნიშნული ფოტოები შეიტანა.

როგორც CNN წერს, ეს ფოტოები არ არის ხელოვნურად დამუშავებული და ხელოვნურად გაფერადებული.

"თქვენ ხედავთ ზუსტად იმას, რაც გადაიღეს. ვიცი, რომ თანამედროვე სამყაროში ჩვეულებრივია შავ-თეთრი ფოტოების ფერადად ქცევა, მაგრამ ამ კონკრეტულ ფოტოებს არავინ შეხებია და ეს არ არის ხელოვნური ჩარევის შედეგი“, - ამბობს წიგნის ავტორი, იან კარტერი.

კარტერის თქმით, ეს სურათები ყველაზე რეალისტურად ასახავენ მეორე მსოფლიო ომისდროინდელ სინამდვილეს და იმას, თუ როგორები იყვნენ მაშინდელი ადამიანები.

დავათვალიეროთ რამდენიმე მათგანი:

ქვემოთ მოცემულ ფოტოზე ბრიტანელი ჯარისკაცი, ალფრედ კამპინია აღბეჭდილი და ის 1944 წლის მარტში, ბრიტანეთში, საბრძოლო წვრთნის დროსაა გადაღებული. წიგნის ავტორის თქმით, ეს მისი საყვარელი ფოტოა. ჯარისკაცი ნორმანდიაში მოკლეს, ამ ფოტომ კი მას უკვდავება მოუტანა: