გიორგი მარგველაშვილის სიძე, მინდია გოგოჭური დააკავეს - არსებული ინფორმაციით, დაკავება "პარაგრაფში" "საქმის გარჩევას“ მოჰყვა
საქართველოს ყოფილი პრეზიდენტის, გიორგი მარგველაშვილის სიძე, მინდია გოგოჭური დააკავეს. არსებული ინფორმაციით, საქმე ეხება ოზურგეთში, სასტუმრო "პარაგრაფში“ მომხდარ ინციდენტს.
AMBEBI.GE - ს შინაგან საქმეთა სამინისტროში დაკავების ფაქტი დაუდასტურეს. როგორც უწყების პრესსამსახურში განაცხადეს, მინდია გოგოჭური დაკავებულია სისხლის სამართლის კოდექსის 126-ე მუხლის 1-ლი ნაწილით და 236-ე მუხლის მე-3, მე-4 ნაწილით, რაც ძალადობასა და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
გოგოჭურის დაკავება სასტუმრო "პარაგრაფში“ ე.წ. საქმის გარჩევას მოჰყვა. საქმეში ფიგურირებს იარაღიც, რომელიც, როგორც ცნობილია, გოგოჭურს ჰქონდა.
"პარაგრაფში“ ინციდენტი დღეს, გამთენიისას მოხდა და მინდია გოგოჭური ოზურგეთის წინასწარი დაკავების იზოლატორში, დაახლოებით, დილის 10:00 საათისთვის შეიყვანეს, სადაც ამ დრომდე იმყოფება.
TV პირველის ინფორმაციით, დაზარალებული საქმეში მიუთითებს, რომ მინდია გოგოჭურმა მის მეუღლეს მიაყენა შეურაცხყოფა და სწორედ ამას მოჰყვა "პარაგრაფის" საპირფარეშოში "საქმის გარჩევა".
სასტუმროში საგამოძიებო მოქმედებები ამ დრომდე მიმდინარეობს, მიმდინარეობს ასევე ექსპერტიზა. როგორც დაზარალებული აღნიშნავს, მინდია გოგოჭურს იარაღიდან არ გაუსროლია.
"გარდაცვალების შემდეგ ბაჩალიაშვილის სხეული მოათავსეს ავტომობილში და მიიყვანეს იმ ადგილას, აქვს არსებობის უფლება ამ ვერსიას" - ადვოკატი
"ახალგაზრდა ქალზე საკუთარ მანქანაში იძალადა" - ვინ არის პოლიციელი, რომელიც გაუპატიურების ბრალდებით დააკავეს
