ქუთაისში 30 წლის გოგოს განზრახ მკვლელობის ბრალდებით, სამართალდამცველებმა გარდაცვლილის მეგობარი ქალი დააკავეს
ქუთაისში, 30 წლის გოგოს მკვლელობის ბრალდებით, გარდაცვლილის მეგობარი ქალი დააკავეს. აღნიშნულ საკითხთან დაკავშირებით შსს განცხადებას ავრცელებს.
სამინისტროს ცნობით, განზრახ მკვლელობის ბრალდებით დაკავებულია 1975 წელს დაბადებული ბ.კ.
დანაშაული 7-დან 15 წლამდე ვადით თავისუფლების აღკვეთას ითვალისწინებს.
"გამოძიებით დადგინდა, რომ ბრალდებულმა ქალმა მიმდინარე წლის 18 ივლისს, ქუთაისში, ზვიად გამსახურდიას გამზირზე მდებარე საცხოვრებელ ბინაში, თავის მეგობართან - 1989 წელს დაბადებულ ე.ჩ.-სთან სტუმრად ყოფნის დროს, ურთიერთშელაპარაკების ნიადაგზე, მასპინძელს ცივი იარაღით რამდენიმე ჭრილობა მიაყენა და შემთხვევის ადგილიდან მიიმალა. მიყენებული დაზიანებების შედეგად, ე.ჩ. ადგილზე გარდაიცვალა.
პოლიციამ დანაშაულის ჩადენის იარაღი - დანა ნივთმტკიცებად ამოიღო. ბრალდებული დანაშაულს აღიარებს.
გამოძიება განზრახ მკვლელობის ფაქტზე, საქართველოს სსკ-ის 108-ე მუხლით მიმდინარეობს". - აღნიშნულია შსს-ს განცხადებაში.
"კოტეჯი ჰქონდა, მდგმურებმა დაურეკეს, გვერდით მუშები გვაწუხებენო" - ვინ იყო რაჭაში მოკლული 29 წლის ბიჭი და რას ჰყვებიან მომხდარზე ადგილობრივები
ამბროლაურში 19 წლის ბიჭებმა 29 წლის ახალგაზრდა ცემით მოკლეს - რა განცხადებას ავრცელებს შსს
