ოლიმპიური ჩემპიონი და ექსდეპუტატი ზვიად ზვიადაური დაჭრეს - რა მოხდა ახმეტაში?

ახმეტაში ყოფილი დეპუტატი, ოლიმპიური ჩემპიონი, ზურაბ ზვიადაური დაჭრეს. ადგილობრივები მომხდარის შესახებ არ ლაპარაკობენ, თუმცა, ჩვენი ინფორმაციით, შემთხვევა სუფრასთან მოხდა, სადაც ზურაბ ზვიადაურსა და ერთ პირს შორის სიტყვიერ დაპირისპირებას დანაშაული მოჰყვა - ცივი იარაღით მკერდის არეში დაჭრეს ზვიადაური და მასთან ერთად მყოფი კიდევ ერთი პირი.

ერთ-ერთი ვერსიით, მომხდარი მხარეებს შორის წარსულში არსებულ უთანხმოებას უკავშირდება. ორივე დაშავებული ახმეტის რაიონულ სავადმყოფოშია მოთავსებული.

მათი ჯანმრთელობის მდგომარეობა სტაბილურია. შემთხვევის ადგილზე ექსპერტ-კრიმინალისტები გვიანობამდე მუშაობდნენ. პოლიციას სავარაუდო ბრალდებული იდენტიფიცირებული ჰყავს. მომხდარზე გამოძიება 117 -ე მუხლით დაიწყო.