"როგორც ითქვა, იმ ადგილას იპოვეს, სადაც აქამდეც ეძებდნენ. აქამდე რატომ ვერ ნახეს?" - რა ხდება გარდაცვლილი გოგონას სახლთან?
5 დღის წინ გაუჩინარებული გოგონა, თამუნა ბაჩალიაშვილი თეთრიწყაროს მუნიციპალიტეტის ტერიტორიაზე, ტყეში, მანქანაში გარდაცვლილი იპოვეს.
თამუნა ბაჩალიაშვილი სახლიდან შაბათ დილას 11:00 საათზე გავიდა ვერცხლისფერი "ჰიუნდაით" და მას შემდეგ ოჯახს მის შესახებ არაფერი სმენია.
გოგონას ოჯახმა ეს ტრაგიკული ამბავი სულ ცოტა ხნის წინ შეიტყო, ისინი გოგონას მოსაძებნად თეთრიწყაროს მუნიციპალიტეტში აპირებდნენ წასვლას, რა დროსაც ეს ინფორმაცია გავრცელდა. ბაჩალიაშვილების საცხოვრებელ სახლთან დილიდან იმყოფებიან მეზობლები და ოჯახის ახლობლები. ისინი გოგონას ოჯახთან ერთად გეგმავდნენ მის მოსაძებნად წასვლას.
"როგორც ითქვა, იმ ადგილას იპოვეს, სადაც აქამდეც ეძებდნენ თითქოს. აქამდე რატომ ვერ ნახეს?! გასცენ ამდენ ხალხს პასუხი. დროულად გამოიძიონ საქმე“, - განაცხადა ბაჩალიაშვილების ერთ-ერთმა მეზობელმა ტელეკომპანია „მთავართან“.
ბაჩალიაშვილების სახლთან სასწრაფო დახმარების მანქანა გამოჩნდა, როგორც ამბობენ, გოგონას დედაა შეუძლოდ.
"გადავწყვიტე, პირველად დავაფიქსირო საჯაროდ ჩემი პოზიცია მომხდართან დაკავშირებით" - რას წერს ანა გაბეჩავა "ფეისბუქზე"
"დაუყოვნებლივ მოხდეს თამარ ბაჩალიაშვილის მამის დაზარალებულის უფლებამონაცვლედ ცნობა" - კიდევ რას მოითხოვს ოჯახის ადვოკატი?
