ალასკის ნახევარკუნძულთან 7.8 მაგნიტუდის სიმძლავრის მიწისძვრა მოხდა - გამოცხადებულია ცუნამის საფრთხე

ალასკანის ნახევარკუნძულის სამხრეთ-აღმოსავლეთ სანაპიროზე 7.8 მაგნიტუდის სიმძლავრის მიწისძვრა მოხდა, - ამის შესახებ ინფორმაციას სააგენტო "როიტერსი“ ავრცელებს.

სააგენტოს ცნობით, გაიცა გაფრთხილება მოსალოდნელი ცუნამის შესახებ.

გაფრთხილება გაცემულია ალასკის სამხრეთ ნაწილისა და ალასკის ნახევარკუნძულისთვის. ამ დროისთვის მსხვერპლისა და დაშავებულების შესახებ ინფორმაცია არ ვრცელდება.

აშშ-ის გეოლოგიური სამსახურის ცნობით, მიწისქვეშა ბიძგები ადგილობრივი დროით დილის 6:12 საათზე, 10 კილომეტრის სიღრმეში დაფიქსირდა.