"წასვლა გადავწყვიტე, მე არ შემიძლია..." - "ზეგ"-ის პროგრამების მენეჯერი თამარ ბაჩალიაშვილთან ბოლო მიმოწერას ასაჯაროებს
შპს "ზეგ"-ის პროგრამირების მენეჯერმა ნიკოლოზ გეჯაძემ "პალიტრავიდეოს" თამარ ბაჩალიაშვილთან ბოლო მიმოწერა მიაწოდა. შეტყობინებებიდან ირკვევა, რომ ბაჩალიაშვილს სამსახურიდან წასვლა ჰქონდა გადაწყვეტილი, მას მხოლოდ ფორმალური საკითხები აინტერესებდა და კომპანიის დირექტორთან შუამავლობას სთხოვდა.
ნიკოლოზ გეჯაძე: ჰაი
თამარ ბაჩალიაშვილი: როგორ ხარ?
ნიკოლოზ გეჯაძე: გადარბენაზე, შენ?
თამარ ბაჩალიაშვილი: რატომ? შეიძლება რაღავ გთხოვო?
ნიკოლოზ გეჯაძე: SURE, SUP?
თამარ ბაჩალიაშვილი: წასვლა გადავწყვიტე. შეგიძლია თამუკას გააგებინო, თუ რამეზე ხელია მოსაწერი, ან განცხადების დაწერაა საჭირო? მე არ შემიძლია... ტასკებს დავასრულებ, რაც მაქვს და 2 კვირაში შემიძლია წასვლა, როგორც ვიცი.
ნიკოლოზ გეჯაძე: გასაგებია, როგორც ვიცი, ხელი გექნება მოსაწერი და ვსო...
თამარ ბაჩალიაშვილი: მადლობა
კომპანიაში "ზეგ" სამართალდამცველები უკვე შევიდნენ. ეს არის ერთ-ერთი სამსახური, სადაც გარდაცვლილი პროგრამისტი თამარ ბაჩალიაშვილი მუშაობდა. როგორც კომპანიის წარმომადგენლები ამბობენ, ეს დეველოპერული კომპანია დაკვეთებს მხოლოდ უცხოეთიდან იღებდა და ქართულ ბაზართან შეხება არ ჰქონდა. კომპანიის ხელძღვანელობამ დღეს სპეციალური განცხადება გაავრცელა, რომელშიც მწუხარებას გამოთქვამდნენ მათი თანამშრომლის გარდაცვალების გამო.
ცნობისთვის, რამდენიმე დღის წინ გაუჩინარებული თამარ ბაჩალიაშვილი, დღეს თეთრიწყაროს რაიონში, ტყეში, საკუთარ მანქანაში გარდაცვლილი იპოვნეს. ცხედარი ექსპერტიზის ბიუროში გადაასვენეს.
"ნახევარი საათია ასე ვართ", - თბილისის მეტროში შეფერხებაა და მატარებლები გაჩერებულია
მთიანაჭარაში მოგზაურობის გასამარტივებლად ახალი ტურისტული გზამკვლევი იქმნება
