შსს-სთან აქციაზე სამართალდამცავებსა და აქტივისტებს შორის დაპირისპირება მოხდა

შინაგან საქმეთა სამინისტროსთან, სადაც „ლეიბორისტული პარტიის“ ახალგაზრდული ფრთა აქციას მართავს, სამართალდამცავებსა და აქციის მონაწილეებს შორის მცირე სიტყვიერი დაპირისპირება მოხდა.

სამართალდამცავებმა აქციის მონაწილეებს პერფორმანსის დროს გამოყენებული ხელთათმანის შსს-ს ღობეზე ჩამოკიდების უფლება არ მისცეს, რასაც მცირე შელაპარაკება მოჰყვა.

სამართალდამცავების განცხადებით, აქციის მონაწილეები ხელთათმანის ღობეზე დაკიდებით კანონს არღვევდნენ.