ავტორი:

"მაღალი ბიჭი ეკითხებოდა მეორეს, "ის ხომ გადააგდეო" - "შაქარაშვილებმა რომ გაიგონ, მაგრად დაგვარტყამენ" - რას ჰყვება ჩვენებაში საქმის ახალი მოწმე

"მაღალი ბიჭი ეკითხებოდა მეორეს, "ის ხომ გადააგდეო" - "შაქარაშვილებმა რომ გაიგონ, მაგრად დაგვარტყამენ" - რას ჰყვება ჩვენებაში საქმის ახალი მოწმე

გიორგი შაქარაშვილის საქმეზე ახალი მოწმე გამოჩნდა, რომელმაც გამოკითხვაზე განაცხადა, რომ 15 ივლისს, ვარკეთილში ერთ-ერთი კორპუსის ავტოფარეხებთან მან რამდენიმე პირის საუბარი მოისმინა, რომელიც სავარაუდოდ, შაქარაშვილს ეხებოდა.

კერძოდ კი, მოწმის ჩვენების მიხედვით, ერთ-ერთმა პირმა მეორეს ჰკითხა, „ის ხომ გადააგდეო“, რაზეც მეორემ უპასუხა, რომ „კიდევ კარგი გადავაგდეთო“.

აღნიშნულ გარემოებებზე მოწმე საქმის მასალების ახალ, 21-ე ტომში საუბრობს.

"როდესაც მე მათ გვერდით გავიარე ახალგაზრდა მაღალი ბიჭი ეკითხებოდა ახალგაზრდა დაბალ ბიჭს, ის ხომ გადააგდეო, პატარამ ხელი უბიძგა და უთხრა გაჩუმდიო და გააგრძელა საუბარი - კიდევ კარგი გადავაგდეთო, თორემ დაგვენძრეოდაო. მაღალმა ბიჭმა გააგრძელა საუბარი და ამბობდა „ეს არ გვეთქვა, ის ამბავიც შეიძლება, არ მომხდარიყოო. შაქარაშვილებმა რომ გაიგონ, მაგრად დაგვარტყამენო“.

მე გავაგრძელე გზა, მეკეთა ყურსასმენები, მაგრამ იყო გათიშული და ვცდილობდი, მათი საუბარი მომესმინა, ვიყავი მათგან ზურგით და ვეღარ ვხედავდი, რა დროსაც ერთ-ერთმა ახალგაზრდამ თქვა, რომ ამირხანაშვილმა მაგრად ი....ა. მე არ გავჩერებულვარ, ავედი სახლში გადავიხედე აივნიდან და დავინახე, რომ ის ოთხი პიროვნება მოძრაობდა და მათთან იყო მეხუთე პიროვნებაც, მაგრამ მისი აღწერა არ შემიძლია“,- აცხადებს მოწმე ჩვენებაში.

მოწმე ჩვენებაში ყვება, რომ უბანში აღნიშნული ოთხი პირი არასდროს შეუმჩნევია. თუმცა ნახვის დროს შეუძლია, რომ იცნოს.

საქართველომ რუსეთს ცოლის მკვლელობისთვის ძებნილი გადასცა - რას წერს რუსული გამოცემა

"დაამტკიცა, რომ იმ დღეს საერთოდ არ იყო გასული მცხეთის ტერიტორიაზე" - შსს-ში "კაწროს" მეგობრის, დაჩი ბუაძის გამოკითხვა დასრულდა

თამარ ბაჩალიაშვილის საქმე ცენტრალური კრიმინალური პოლიციის დეპარტამენტს გადაეცა