"გაუჩინარებამდე სოციალურ ქსელში დედა დაბლოკა და წერილი დატოვა" - თბილისში კიდევ ერთ ახალგაზრდას ეძებენ

თბილისში კიდევ ერთი გაუჩინარებულ მოზარდს ეძებენ. ოჯახის წევრების და ახლობლების ინფორმაციით, 15 წლის ნინო ჯარიაშვილი სახლიდან კვირას გავიდა და უკვე 4 დღეა მის კვალს ვერ აგნებენ.

"ტვ პირველის" ინფორმაციით, გაუჩინარებდამდე რამდენიმე წუთით ადრე მან სოციალურ ქსელში დედა დაბლოკა და გამორთო ტელეფონი, რომ მასთან კომუნიკაცია არ შემდგარიყო. ასევე ტელეკომპანიის ცნობით, გოგონა 4 თვის წინაც გაუჩინარდა, თუმცა მაშინ ის სოციალურ სამსახურს თავად ჩაბარდა.

"ტვ პირველთან" საუბრისას გოგონას მშობლები ამბობენ, რომ მათ სახლში წერილი დახვდათ, სადაც ნინო ჯარიაშვილი მიმართავდა, არ მოეძებნათ.

ოჯახმა უკვე შეატყობინა პოლიციას და სამძებრო ღონისძიებებო მთელი ქვეყნის მასშტაბით მიმდინარეობს.