ლილოს ბაზრობაზე ფართომასშტაბიანი სკრინინგი იწყება

ლილოს ბაზრობაზე დღეიდან ფართომასშტაბიანი სკრინინგი დაიწყება. შესაბამისი გადაწყვეტილება იმის გამო იქნა მიღებული, რომ აღნიშნულ ბაზრობაზე გარდაბნის მცხოვრებლების დიდი ნაწილი მუშაობს.

როგორც "ინტერპრესნიუსს" დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განუცხადა, ლილოს ბაზრობაზე დასაქმებული გარკვეული ჯგუფი უკვე გამოიკვლიეს, ადამიანების უფრო ფარტომასშტაბიანი სკრინინგი კი დღეიდან დაიწყება .

"გარდაბნის ბევრი მცხოვრები მუშაობს სწორედ ლილოს ბაზრობაზე. ამ ეტაპზე ფართომასშტაბიან კვლევაზე მხოლოდ ლილოს ბაზრობაზე ვფიქრობთ, რადგან გარდაბანთან ყველაზე ახლო კავშირი აქვს ლილოს ბაზრობას“, - განაცხადა ამირან გამყრელიძემ.