"დარწმუნებული ვარ, გაქცევისთვის ემზადებოდა... ფულს აგროვებდა" - რას ამბობს მამა 13 წლის მოზარდზე, რომელსაც მეშვიდე დღეა უშედეგოდ ეძებენ
სვანეთში, სოფელ ლენჯერში 13 წლის ილია ფილფანს მეშვიდე დღეა უშედეგოდ ეძებენ. დაკარგულის ოჯახის წევრების ინფორმაციით, ბიჭი სახლიდან 18 ივლისს, 11:00 საათზე გავიდა და მას შემდეგ არ დაბრუნებულა. ბოლოს ის სოფელ ლენჯერში ნახეს.
როგორც ოჯახის ახლობლები ამბობენ, ბიჭი ველოსიპედით მეგობრებთან ერთად ხშირად დადიოდა სასეირნოდ, თუმცა ბოლოს მარტო გავიდა სახლიდან. დაკარგული არასრულწლოვნის საძიებო სამუშაოებში ჩართულია ვერტმფრენი.
დაკარგულის მამა ვარაუდობს, რომ მოზარდს სახლიდან გაქცევა რამდენიმე კვირით ადრე ჰქონდა გადაწყვეტილი და ამისთვის თანხასაც აგროვებდა.
"დარწმუნებული ვარ გაქცევისთვის ემზადებოდა რამდენიმე კვირით ადრე, აგროვებდა ფულს და იყო ისეთ დეტალები რაც ამას მაფიქრებინებს. ჩვენ ზამთარში ჩამოვედით სვანეთში და პანდემიის გამო აქ დარჩენა მოგვიწია.
გარდატეხის ასაკი აქვს, არ ჰყავს აქ მეგობრები, ვერ საუბრობს ქართულად. გვქონდა პატარა კონფლიქტები, ცხოვრებისეული. წინა დღეს, სანამ სახლიდან გავიდოდა, რაღაცაზე ვიკამათეთ. ამ დროს ვფიქრობ გადაწყვეტილი ჰქონდა წასვლა.
ვიყავი ერთ ადგილზე, სადაც ველოსიპედის კვალი ვნახე. ხიდზე გადასული იყო, როგორც ჩანს და ტყისკენ წავიდა. იქ ვერ ვიპოვე. მერე ჩამოვედი და სხვაგან გავაგრძელე ძებნა. მერე მეზობლებთან ერთად ისევ იმ ადგილზე ავედი და მეორე კვალი გაჩნდა, როგორც ჩანს, უკან გამოვიდა" - ამბობს დავით ფილფანი "ფორმულასთან" საუბრისას.
"ბებიები და ბაბუები ხომ ჰყავთ იმ ახალგაზრდებს, რომლებიც იქ იყვნენ? მეტს არაფერს ვიტყვი" - პაატა იმნაძე სტადიონთან შეკრებილებზე
"წლევანდელი ფინანსური აუდიტის მონაცემებით, "საპარტნიორო ფონდი“ და საქართველოს რკინიგზა მოგებაზე გადიან“ - გიორგი დანელია
