ავტორი:

"მეუბნებოდა "ამაზონიდან" მაქვს შეთავაზება და ყველაფერს გავაკეთებ, რომ შეთავაზება არ დავკარგოო" - თამარ ბაჩალიაშვილის დედა

"მეუბნებოდა "ამაზონიდან" მაქვს შეთავაზება და ყველაფერს გავაკეთებ, რომ შეთავაზება არ დავკარგოო" - თამარ ბაჩალიაშვილის დედა

გარდაცვლილი ახალგაზრდა პროგრამისტის, თამარ ბაჩალიაშვილის დედა თვითმკვლელობის ვერსიას გამორიცხავს. როგორც ტელეკომპანია "პალიტრანიუსის" გადაცემა "360 გრადუსში" საუბრისას თეონა თამაზაშვილმა განაცხადა, გოგონას უამრავი ოცნება და გეგმა ჰქონდა და ამის შესახებ დედასაც უყვებოდა.

"მე, როგორც გულმოკლული დედა, გთხოვთ, რომ გაერთიანდეს სახელმწიფო და მედია და ერთობლივი ძალებით, ეს ძალიან ჩახლართული ამბავი, იქნებ გამოიძიოთ. მინდა, რაღაც ვერსიამდე მივიდეთ. არ ვიცი რა ვიფიქრო, განადგურებული და ვაკუუმში ვარ, რატომ შეიძლებოდა ჩემი კაფანდარა და უწყინარი გოგო უღვთოდ მოეკლათ?

მე გამოვრიცხავ თვითმკვლელობის ვერსიას, ჩემს თამუნას უყვარდა სიცოცხლე, ოცნებობდა, ამბიციური ბავშვი იყო, დიდი მიზნები ქონდა. მეუბნებოდა "ამაზონიდან" მაქვს შეთავაზება და ყველაფერს გავაკეთებ, რომ შეთავაზება არ დავკარგოო. რატომ მოიკლავდა თავს ჩემი შვილი?! გთხოვთ ჟურნალისტებსაც და გამოძიებასაც, რომ კონსესუსამდე მიდით და დამეხმარეთ, რომ არ ამომხდეს სული ჩემი შვილის იდუმალებით მოცულ სიკვდილზე" - აღნიშნა თამაზაშვილმა.

მისი თქმით, სავარაუდოდ, თამარ ბაჩალიაშვილმა "შესაძლოა ისეთი ინფორმაცია მოიპოვა", რასაც მისი სიცოცხლე შეეწირა.

"არ ვამბობ, რომ უშუალოდ სამსახურში მოხდა რაღაც. თამუნა იმდენად ჭკვიანი და დაუოკებელი იყო, ვფიქრობ ისეთი ინფორმაცია მოიპოვა, თუნდაც სამსახურის საქმეების გარეშე, რომ ხომ არ მოხდა მისი ლიკვიდაცია. მე გუშინ ისიც წავიკითხე, რომ საფრანგეთში ვიღაც ლექტორისგან ჰქონდა შეთავაზება, რომელიც თამუნას ბინით უზრუნველყოფასა და სწავლის საფასურის გადახდას სთავაზობდა, ოღონდ იქ დარჩენილიყო, როგორც პერსპექტიური სტუდენტი, მაგრამ თამუნამ ამაზე უარი განაცხადა.

ვფიქრობ, რაღაცის შიშის გამო. იმდენად უნდოდა ევროპაში სწავლა, რომ ამაზე უარი არ თქვა. ის რაღაც ტერორის ქვეშ იყო და ამიტომ თქვა უარი, არ ვუკავშირებ ამას არც სამსახურს... კიდევ ერთხელ ვამბობ, ისე არ მინდა მოვკვდე, რომ არ გავიგო რას შეეწირა ჩემი შვილი" - განაცხადა გარდაცვლილი გოგონას დედამ.

თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. 23 წლის თამარ ბაჩალიაშვილი 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

საქართველოში კორონავირუსის 2 ახალი შემთხვევა და 4 განკურნებულია - ახალი მონაცემები

ხანძარი "ელიავას ბაზრობის" მიმდებარე ტერიტორიაზე - დამწვარია ხის ფარდული

ესპანეთში საქართველოს მოქალაქე, 23 წლის გოგო, სკვერში გარდაცვლილი იპოვეს