ავტორი:

"შაქარაშვილი ჩხუბში არ მონაწილეობდა, არ ეხმარებოდა ძმაკაცებს და შეიძლება ამის გამო სცემეს" - დაკავებული არასრულწლოვნის მამა

"შაქარაშვილი ჩხუბში არ მონაწილეობდა, არ ეხმარებოდა ძმაკაცებს და შეიძლება ამის გამო სცემეს" - დაკავებული არასრულწლოვნის მამა

გიორგი შაქარაშვილის საქმეზე დაკავებული არასრულწლოვნის ზ.ხ.-ს მამა თამაზ ხომასურიძე ვარაუდობს, რომ 19 წლის ფეხბურთელი საბურთალოელებმა სცემეს, რადგან "ჩხუბში მათ არ ეხმარებოდა".

ამის შესახებ მან ტელეკომპანია "პალიტრანიუსის" გადაცემა "360 გრადუსში" სტუმრობისას განაცხადა.

ის დარწმუნებულია, რომ მომხდართან მის შვილს არანაირი შეხება არ აქვს.

"მე დარწმუნებული ვარ ჩემს ბიჭს არ უცემია. ლოგიკურად ვისი ნაცემია? ბოლოს ნახეთ სამი მანქანით, ვინც ჩამოვიდა... ანუ საბურთალოელები ჩამოვიდნენ ნახალოვკელების საცემრად. გაიგეს, რომ ნახალოვკელებმა სცემეს საბურთალოელები. ჩამოვიდნენ შურის საძიებლად. გაიგეს, რომ შაქარაშვილი ჩხუბში არ მონაწილეობდა, არ ეხმარებოდა მათ. მერე საერთოდ გაიქცა და შურისძიების მიზნით სცემეს.

ქურდულ მენტალიტეტში ასე ხდება რა, ნახალოვკელი ბიჭი ვარ და ვიცი. ორი ძმაკაცი რომ ჩხუბობს და ერთი ძმაკაცი ჩხუბიდან გაიქცევა, ის მეორე სცემს იმას, ეტყვის, რატომ გამექეციო.

ვგულისხმობ ქეიფის დროს, აგარაკზე რაც მოხდა. ჩიქოვანს რომ თავი გაუტეხეს, ცხონებული არ ეხმარებოდა ძმაკაცებს, აშველებდა და შეიძლება ამის გულისთვის ცემეს, რომ არ გვეხმარებოდიო" - აღნიშნა თამაზ ხომასურიძემ.

ცნობისთვის, ფეხბურთელ გიორგი შაქარაშვილის საქმეზე ბრალდებული 6 არასრულწლოვანი სასამართლომ კვლავ პატიმრობაში დატოვა. ამასთან, გადაისინჯა დაკავებულების მიმართ შეფარდებული აღკვეთის ღონისძიება პატიმრობა.

ბრალდების მხარე ექვსივე დაკავებულის პატიმრობაში დატოვებას მოითხოვდა, დაცვის მხარე კი გირაოს სანაცვლოდ გათავისუფლებას. არცერთი ბრალდებული ბრალს არ აღიარებს. ცნობისთვის, გარდაცვლილი ფეხბურთელის გიორგი შაქარაშვილის საქმეზე სულ 17 პირია დაკავებული, რომელთაგან 6 არასრულწლოვანია.

“გოგოს ხელი მოჰკიდა და წაყვანა დაუპირა... ჟვანია მთვრალი იყო. ჯერ გადამირჩეს შვილიშვილი და ნახავენ ეგენი” - გოგი თოფაძე

რა კომენტარს აკეთებს ნინო ქადაგიძე-ჟვანია შვილის დაკავებაზე?

"არის ვარაუდი და ეჭვი, რომ შეხვედრა საკალმახე მეურნეობის ტერიტორიაზე ჰქონდა" - თამარ ბაჩალიაშვილის ადვოკატი