"ლიტერატურული გაჩერება" ყაზბეგშია - დაბა სტეფანწმინდაში, 50%-მდე ფასდაკლებით, გამოფენა-გაყიდვა იმართება
გამომცემლობა "პალიტრა L-ის" "ლიტერატურული გაჩერება" ყაზბეგშია. გამოფენა-გაყიდვა 50%-მდე ფასდაკლებით მიმდინარეობს დაბა სტეფანწმინდის ცენტრალურ სკვერში, ალ. ყაზბეგის ქუჩა.
დაბა სტეფანწმინდაში მკითხველს მრავალფეროვანი ჟანრის ლიტერატურა დიდი ფასდაკლებით დილის 10:00 საათიდან დახვდა, გამოფენა-გაყიდვა 18:00 საათამდე გასტანს.
გამომცემლობა “პალიტრა L” წელს 15 წლის იუბილეს აღნიშნავს და მთელი წელი სხვადასხვა ტიპის აქტივობით აქვს დატვირთული, მათ შორისაა „ლიტერატურული გაჩერება“, რომლის ფარგლებშიც, ლიტერატურული ღონისძიებები უკვე საქართველოს 10 ქალაქში გაიმართა.
"ძალიან მნიშვნელოვანია წიგნთან დაკავშირებული ღონისძიებები და სიამოვნებით ვმასპინძლობთ გამომცემლობა "პალიტრა L-ის" გამოფენა-გაყიდვას, ადგილობრივების მხრიდანაც დიდი დაინტერესება შეინიშნება. მნიშვნელოავნია, რომ ხელმისაწვდომ ფასად არის წარმოდგენილი სხვადასხვა ჟანრის ლიტერატურა", - გიორგი ავსაჯანიშვილი, ყაზბეგის მუნიციპალიტეტის მერიის განათლების, კულტურის, სპორტის, ახალგაზრდობის, ჯანმრთელობის, და სოც. დაცვის სამსახურის უფროსი.
შეგახსენებთ, რომ გამომცემლობა სხვადასხვა ღონისძიებით დაბა სიონს, სურამს, ბათუმს, ოზურგეთსა და ბახმაროსაც ეწვევა და "ლიტერატურული გაჩერება" 19 აგვისტოს დასრულდება.
მოუსმინე წიგნებს: ერიხ მარია რემარკი, "ნასესხები სიცოცხლე" (თავი მე-13)
გამომცემლობა "პალიტრა L-ის" "ლიტერატურული გაჩერება" ყაზბეგში გრძელდება
