ახალგაზრდა კაცი სისხლისგან იცლებოდა, როდესაც იპოვეს - გერმანიაში ქართველი დაჭრეს

გერმანიაში, ქალაქ ლაიფცგიში, 34 წლის ქართველი მამაკაცი დაჭრეს. ამის შესახებ ინფორმაციას BILD.DE ავრცელებს. როგორც გამოცემა იუწყება, ახალგაზრდა კაცი ადგილობრივი დროით 19:40 საათზე ქუჩაში, ტროტუარზე იპოვეს. მას რამდენიმე სახის ჭრილობა აღენიშნებოდა და სისხლისგან იცლებოდა.

შემთხვევა 10 აგვისტოს გოჰლის დასახლებაში მოხდა. დაჭრილი ახალგაზრდა საავადმყოფოში გადაიყვანეს.

გამოცემის ცნობით, გერმანელმა სამართალდამცავებმა, მომხდართან დაკავშირებით, ორ სავარაუდო დამნაშავეზე ძებნა გამოაცხადეს. AMBEBI.GE ცდილობს მოხდარი დანაშაულის დამატებითი დეტალების გარკვევას.