ავტორი:

როდემდე გაგრძელდება რეგისტრაცია 200 ლარიანი დახმარების მისაღებად და რა კრიტერიუმებია საჭირო დასარეგისტრირებლად?

როდემდე გაგრძელდება რეგისტრაცია 200 ლარიანი დახმარების მისაღებად და რა კრიტერიუმებია საჭირო დასარეგისტრირებლად?

0-დან 17 წლის ჩათვლით ბავშვებისთვის, 200-ლარიანი დახმარების მისაღებად, მშობლები სპეციალურ პორტალზე რეგისტრაცია წლის ბოლომდე იქნება შესაძლებელი, ხოლო თანხის დარიცხვა სექტემბრიდან დაიწყება.

ამის შესახებ ჯანდაცვის მინისტრის მოადგილემ თამარ ბარკალაიამ განაცხადა და კიდევ ერთხელ განმარტა, რა არის საჭირო სპეციალურ პორტალზე დასარეგისტრირებლად.

"სამინისტროს ვებ-გვერდზე ოჯახის წევრსა და კანონიერ წარმომადგენელს შეუძლია დაარეგისტრიროს ბავშვი, სადაც მიუთითებს საკუთარ ინფორმაციას - სახელს, გვარს, პირად ნომერს, ანგარიშის ნომერს, ასევე ბავშვის სახელს გვარს და პირადობის ნომერს.

მხოლოდ ამ ინფორმაციის საფუძველზე მოხდება ინფორმაციის დამუშავება და სექტემბრიდან დაერიცხებათ შესაბამისი თანხა, 200 ლარი თითო ბავშვზე.

ეს რეგისტრაცია დაიწყო დღეს და გაგრძელდება წლის ბოლომდე. რეგისტრაცია არის ონლაინ, შესაბამისად ყველას, ნებისმიერ დროს შეუძლია დაარეგისტრიროს თავისი შვილი" - აღნიშნა ბარკალაიამ "იმედთან" საუბრისას.

ცნობისთვის, 0-დან 17 წლის ჩათვლით ბავშვებისთვის, 200-ლარიანი დახმარების მისაღებად, მშობლები სპეციალურ პორტალზე რეგისტრაციის გავლას დღეიდან შეძლებენ. ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, რეგისტრაციის შესახებ შესაბამისი ინსტრუქცია ხელმისაწვდომია, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ვებ გვერდზე: www.moh.gov.ge და ელექტრონულ პორტალზე -daxmareba.moh.gov.ge

თბილისში "ევექსის“ თანამშრომელს კორონავირუსი დაუდგინდა

როგორია ახალგაზრდა მამაკაცის ჯანმრთელობის მდგომარეობა, რომელიც  საკარანტინე სასტუმროს მეოთხე სართულიდან გადმოხტა?

საქართველოში კორონავირუსის 5 ახალი შემთხვევა გამოვლინდა, 4 ადამიანი კი გამოჯანმრთელდა