გადაუღებელი წვიმა, გარესამყაროს მოწყვეტილი ადამიანები, დაზიანებული გზები და ხიდები - ლენტეხი სტიქიას ებრძვის (ფოტო და ვიდეომასალა სტიქიის  ზონიდან)

ლენტეხის მუნიციპალიტეტში სტიქია მძვინვარებს. ამის შესახებ მუნიციპლაიტეტის "ფეისბუქ" გვერდზე წერენ და სტიქიის ამსახველ ფოტოებსაც აქვეყნებენ.

"21 აგვისტოს, გამთენიისას დაწყებული ძლიერი წვიმის შედეგად, ჩოლურის და ლაშხეთის თემები მთლიანად გარე სამყაროსაა მოწყვეტილი. წაღებულია საავტომობილო და საფეხმავლო გზები. დაზიანდა სამი ხიდი.

• (ნახეთ ვიდეო: "ამ დილით შევესწარი ხიდი როგორ ჩავარდა" - რა ხდება ლენტეხში, სოციალურ ქსელში მომხარებლები ვიდეოებს დებენ

ამ სოფლებთან მხოლოდ სატელეფონო კავშირი არსებობს.სტიქიის ზონაში დილიდანვე იმყოფება მუნიციპალიტეტის მერი, ბადრი ლიპარტელიანი.

ადიდებულია მდინარე ლასკადურა, რომელიც საფრთხეს უქმნის დაბის მოსახლეობას.კოკისპირული წვიმა ამ დროსაც გრძელდება", - ნათქვამია ლენტეხის მუნიციპალიტეტის მიერ გავრცელებულ ინფორმაციაში.