რეჯეფ თაიფ ერდოღანი ადასტურებს, რომ თურქეთმა შავ ზღვაში ბუნებრივი აირის დიდი მარაგი აღმოაჩინა
თურქეთის პრეზიდენტი, რეჯეფ თაიფ ერდოღანი ადასტურებს, რომ თურქეთმა შავ ზღვაში ბუნებრივი აირის დიდი მარაგი აღმოაჩინა, - ამის შესახებ ინფორმაციას ადგილობრივი მედია ავრცელებს.
„თურქეთმა შავ ზღვაში ქვეყნის ისტორიაში ყველაზე დიდი ბუნებრივი აირის მარაგი აღმოაჩინა,“- განაცხადა ერდოღანმა.
მისივე თქმით, ენერგეტიკულ რესურსებს ქვეყნის დამოუკიდებლობისთვის დიდი მნიშვნელობა აქვს.
„გარდა იმისა, რომ ენერგეტიკული რესურსები განვითარების აუცილებელი ელემენტია, ეროვნული დამოუკიდებლობისთვის ძალიან მნიშვნელოვანია“, – განაცხადა ერდოღანმა.
მისივე თქმით, ახლად აღმოჩენილი მარაგი, 320 მილიარდი კუბური მეტრის ბუნებრივ აირს მოიცავს.
ცნობისათვის, გუშინ მედიაში გავრცელდა ინფორმაცია, რომ თურქეთმა შავ ზღვაში ბუნებრივი აირის აღმოაჩინა.