"სამო მაღალჩინოსანო მკვლელო! მზაკვრულად შემუშავებული გეგმით მოუსწრაფეთ ჩემს შვილს სიცოცხლე" - რას წერს თამარ ბაჩალიაშვილის დედა "ფეისბუქზე"
გარდაცვლილი პროგრამისტის თამარ ბაჩალიაშვილის დედა, თეონა თამაზაშვილი სოციალურ ქსელში მიმართვას ავრცელებს, სადაც წერს, რომ მისი შვილის მკვლელი "სამი მაღალჩინოანია".
"სამო მაღალჩინოსანო მკვლელო!!!
გირჩევნიათ გონს მოეგოთ, გეყოთ ვაჟკაცობა,რამეთუ ცოდვა გამხელილი სჯობსო და თქვენ თვითონვე აღიაროთ ჩემი შვილის მკვლელობა, რომ ფილმ "მონანიება"სავით არ დაგემართოთ.
ტელევიზიიდან რომ გაიგებენ თქვენი შვილები, თუ როგორ ჯგუფურად მზაკვრულად შემუშავებული გეგმით მოუსწრაფეთ ჩემ გეგმებით აღსავსე შვილს სიცოცხლე.
ისევ მე ვუფრთხილდები თქვენი შვილების სიცოცხლეს,რადგანაც მტერსაც არ გისურვებთ ასეთ სატანჯველს და მეორეც იქნებ ისინიც თამუნასნაირი ანგელოზები არიან. თქვენი სიცოცხლის გაწირვა გერჩივნოთ. ნეტა მე შემეძლოს ჩემი შვილისთვის ადგილის გაცვლა" - წერს თეონა თამაზაშვილი.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5 - დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
"თუ ბავშვმა თავი მოიკლა, წესს ვერ ავუგებთ, ვერც გამონაკლისს დავუშვებთ, ღმერთს გამონაკლისები არ აქვს" - მეუფე გიორგი 11 წლის მოზარდზე
ფონიჭალაში ავტომობილი ცენტრალურ მაგისტრალს დაეჯახა, რის გამოც 4000-მდე აბონენტს გაზმომარაგება შეუწყდა
