"ვრეკავდით და ვერავის დავუკავშირდით" - რას აცხადებენ კომპანიაში, რომელსაც, სავარაუდოდ, შატილის გზაზე გადაჩეხილი მიკროავტობუსი ეკუთვნოდა

მიკროავტობუსი, რომელიც შატილის გზაზე 80 მეტრის სიმაღლიდან გადავარდა, არსებული ინფორმაციით, ტურისტულ კომპანია Traveler ge-ს ეკუთვნოდა.

ambebi.ge კომპანია Traveler ge-ს ოპერატორს ფატი ჩაფიძეს ესაუბრა, რომელიც ამბობს, რომ მიკროავტობუსი, სავარაუდოდ, მათი კომპანიისაა.

"ჩვენი კომპანიიდან ტურისტული ჯგუფი დილის 5 საათზე გავიდა შატილის მიმართულებით. წესით, ისინი თბილისში უნდა იყვნენ უკვე, ამიტომ ვვარაუდობთ, რომ მიკროავტობუსი ჩვენი კომპანიისაა. ვრეკავდით და ვერავის დავუკავშირდით, ყველას ტელეფონი მიუწვდომელი იყო, ხაზზე არ არიან. 18-კაციანია ტურისტული ჯგუფი (მძღოლიანად 19 კაცი იყო) დილას წავიდა შატილში და უკანა გზაზე შეემთხვათ ტრაგედია. როგორც ამბობენ, სამი ადამიანია გადარჩენილი და მძიმედ დაშავებული. რა ასაკისანი არიან, ვერ გეტყვით, არ ვიცი. ახლა ადგილზე მიდიან ჩვენი კომპანიის წარმომადგენლები".

• "საშინელება ტრიალებს...უმეტესობა ახალგაზრდაა", - რას ჰყვება შატილის გზაზე მომხდარ ტრაგედიაზე თვითმხილველი?