"22 წლის ხატიას 2 წლის შვილი დარჩა" -  ხევსურეთის ტრაგედიას შავი ზღვის უნივერსიტეტის სტუდენტი ემსხვერპლა

ხევსურეთში მომხდარი ტრაგედიის შედეგად 17 გარდაცვლილს შორის შავი ზღვის უნივერსიტეტის მეორე კურსის სტუდენტი ხატია ზაალიშვილია, რომელსაც 2 წლის შვილი დარჩა.

“შავი ზღვის საერთაშორისო უნივერსიტეტი ღრმა მწუხარებას გამოთქვამს შატილში მომხდარი ტრაგედიის გამო, რომელსაც ჩვენი ტურიზმის პროგრამის მეორე კურსის სტუდენტი ხატია ზაალიშვილი ემსხვერპლა. ვუთანგრძნობთ ოჯახს, მეგობრებს და თანადგომას ვუცხადებთ”, - სამძიმრის წერილს აქვეყნებს უნივერსიტეტის ადმინისტრაცია.

ambebi.ge-ს ხატიას ახლობელი უყვება, რომ:

"22 წლის ხატიას 2 წლის შვილი დარჩა. ხატია ზაალიშვილი ვარკეთილის ზემო პლატოზე ცხოვრობდა და სწავლის პარალელურად, ტურ-მენეჯერადაც მუშაობდა. თუ არ ვცდები, ეს მისი ტური იყო, როგორც ვიცი, მაგ კომპანიაში მუშაობდა. ხატია ბევრს შრომობდა, გეგმებს აწყობდა, ბევრის მიღწევა უნდოდა და იმაზე ოცნებობდა, რომ მის შვილს წარმატებული დედა ჰყოლოდა. შოკში ვართ ყველანი”.

• "ჩემი სული, სულ აქაა, სულ..." - ვინ იყო გოგონა, რომელიც საბედისწერო ავარიას დედასთან ერთად ემსხვერპლა