"ნაციონალური მოძრაობის" სურვილი იყო ჩვენი გარდაცვლილი შვილის ცხედარი მიგვერთმია მათთვის და ამისგან გამოეყვანათ პოლიტიკური თემა" - მირიან ნიკოლაძე
გარდაცვლილი 19 წლის ფეხბურთელის, გიორგი შაქარაშვილის ბიძამ და შაქარაშვილის ოჯახის უფლებების დამცველმა მირიან ნიკოლაძე „ტვ პირველის“ გადაცემაში "საჯარო პოლიტიკა" ამ საქმეზე ისაუბრა და განაცხადა:
"ადამიანს, რომ იმის ილუზია აქვს, რომ მირიან ნიკოლაძე რამეს აყალბებს, იმასთან ლაპარაკი შეუძლებელია. გიორგის გარდაცვალებიდან მოყოლებული გარკვეული ჯგუფები ცდილობენ ამ თემის პოლიტიზებას, შემდეგ ამ ჯგუფებმა თავიანთი მედიასაშულებებით დაიწყეს რაღაც "ალტერნატიული გამოძიება", საბოლოო ჯამში განიცადეს სრული მარგინალიზაცია და მათ ხალხი დასცინის, იმიტომ, რომ ეს არის არასერიოზული.
ამას აკეთებს "ნაციონალურ მოძრაობა", მისი პირდაპირი სურვილი იყო ჩვენი გარდაცვლილი შვილის ცხედარი მიგვერთმია მათთვის და ამისგან გამოეყვანათ პოლიტიკური თემა. იმედი ჰქონდათ, რომ ამის შემდეგ ქუჩაში გავიდოდა ხალხი და მასობრივ არეულობას მოწყობდნენ თუ რა უნდოდათ, არ ვიცი... არხი, რომელიც აკეთებს ამას, არის მათი პირადი შპს და საკუთრება და რასაც უნდათ იმას აკეთებინებენ. შესაბამისად, ლოგიკურია მოსაზრება, რომ ამ ყველაფრის უკან დგას პოლიტიკური ძალა.
თურმე გამოძიება ჩემ ჭკუაზე დადის, ამას ნორმალური ადამიანი იტყვის?"
თამარ ბაჩალიაშვილის მანქანაზე ბუქსირების, გათრევის ან სხვა ზემოქმედების კვალი არ აღმოჩნდა - რა ინფორმაციას ავრცელებს პროკურატურა
პოლიციელი, რომელიც 12 წლის ბავშვს დაეჯახა, ბრალდებას აღიარებს და თავს დამნაშავედ ცნობს - ადვოკატი
