მწყემსების სიტყვიერი ჩხუბი სისხლიანი დაპირისპირებით დასრულდა - რა მოხდა ხევსურეთში

"მთავარი არხის“ ინფორმაციით, ხევსურეთში მწყებსებს შორის დაწყებული გარჩევა სისხლიან დაპირისპირებაში გადაიზარდა. სოფელ როშკაში ორი მწყემსი ერთმანეთს, სავარაუდოდ, 3500 ლარის გამო დაუპირისპირდა, რომელიც ერთს მეორისთვის ჰქონდა ნასესხები და გამსესხებელი ფულის დაბრუნებას ითხოვდა.

ოჯახის ინფორმაციით, დავით მოსიაშვილმა თავდების საშუალებით, უფროსისგან დაახლოებით 3 500 ლარი ისესხა, რომელიც ზვიად ბექაურს ასესხა და ის ორი წლის განმავლობაში ცდილობდა ამ თანხის დაბრუნებას. „მთავარის“ ცნობით, სავარაუდოდ, ზვიად ბექაურმა კისრის არეში დავით მოსიაშვილს მძიმე დაზიანებები მიაყენა.

პაციენტს ინგოროყვას კლინიკაში მკურნალობენ და მისი მდგომარეობა სტაბილურად მძიმეა. ოჯახის ინფორმაციით, ზვიად ბექაური სამართალდამცველებმა ჯერ დააკავეს, შემდეგ კი ხელწერილი დააწერინეს და სახლში გაუშვეს.