"გაიკითხავენ, ვინ არი...მაგის ცოლთან მივლენ და დაემუქრებიან" - რაზე საუბრობენ შაქარაშვილის მკვლელობაში ბრალდებულები საკანში? - TV პირველის ექსკლუზიური კადრები
ტელეკომპანია "პირველის“ გადაცემა "ნოდარ მელაძის შაბათი“ ექსკლუზიურ ვიდეოჩანაწერებს აქვეყნებს, რომლებიც მელაძის თქმით, იმ ფარული კამერებითაა გადაღებული, რომლებიც სახელმწიფო უსაფრთხოების სამსახურმა გიორგი შაქარაშვილის მკვლელობაში ბრალდებულთა საკნებში დაამონტაჟა.
მელაძე ამბობს, რომ ჩანაწერი მოცულობითია და ის "პირველს“ წყარომ გადასცა.
ვიდეოჩანაწერების ერთ-ერთი ფრაგმენტი, რომელიც ეთერში გავიდა, ჟურნალისტის თქმით, ჩაწერილია შაქარაშვილის საქმეზე ბრალდებულ ნიკოლოზ რევაზიშვილის საკანში, სადაც რევაზიშვილი თანამოსაკნეებთან ერთად პროკურატურის "ოქროს მოწმეზე“ , ჩიტიძეზე საუბრობს.
პატიმრები განიხილავენ იმას, თუ როგორ დასაჯონ მოწმე ჩიტიძე, რომელმაც პროკურატურის განცხადების თანახმად, გამოძიებასთან ითანამშრომლა.
რევაზიშვილი ამბობს, რომ ჩიტიძემ გამოიგონა ჩვენების ნაწილი და ამისთვის ის უნდა დაისაჯოს.
"- პროსტა, მაგაზე ბიჭებს გარეთ როგორ მივაწოდო ინფორმაცია, რომ რამენაირად...მიაგონონ რა...
- რატო აქ არ არის?
- ვინ?
- ეგ, ჩიტიძე...
- ვისი ნომერი იცი შენ? ბევრის ვიცი კაცო...
-კონკრეტულად ვის გინდა რო დაუკავშირდე?
- არიან რა..გაიკითხავენ, ვინ ჩემი ყ*** არი და მაგასთან მივლენ სახლში. მაგის ცოლთან მივლენ და დაემუქრებიან, რო დედას მ***თო.
- ვის ჩიტიძეს?
- ცოლს და ბავშვებს დავემუქრები, ჩიტიძეს რას დავემუქრები აბა?! აქ არის", - ისმის ვიდეოჩანაწერში.
"პოლიციის მთელი განყოფილება ფეხზე იდგა... "მარშუტკაში" იპოვეს ჩემი შვილი" - რას ამბობს თბილისში დაკარგული ბიჭის მამა
"ბატონი ივერი ამ ყველაფრის მსხვერპლია..." - ადვოკატის თქმით, დაკავებული მელაშვილი გამოძიებასთან რაიმე ფორმით თანამშრომლობას გამორიცხავს
