"კოალიცია დაგვჭირდება, როცა ქვეყნის პრემიერი ვიქნები, სხვებს მოუწევთ იმ განრიგზე აწყობა, რომელიც აღმშენებლობის სტრატეგიაში გვაქვს" - გიორგი ვაშაძე

როცა ქვეყნის პრემიერ-მინისტრი ვიქნები, სხვებს იმ განრიგზე აწყობა მოუწევთ, რომელიც აღმშენებლობის სტრატეგიაში გვაქვს , - ამის შესახებ „სტრატეგია აღმაშენებელის“ ლიდერმა გიორგი ვაშაძემ „პალიტრანიუსის“ გადაცემაში „პოლიტ-ქალაქი“ განაცხადა.

გიორგი ვაშაძის თქმით, ქვეყნის აშენებას გეგმავს პროფესიონალებთან ერთად და კადრებთან, რომლებიც დღეს არიან ექსპერტულ წრეებში.

„პროფესიონალებთან ერთად ვაპირებ, ვაპირებ ძალიან ბევრ ძლიერ კადრთან ერთად, რომელთაც ვიცნობ, ზოგი ჩემთან ერთად პოლიტიკაში უკვე წამოვიდა, ზოგი ექსპერტულ წრეებშია და ვაპირებთ, შევთავაზოთ საჯარო სამსახური.

კოალიცია დაგვჭირდება, რაც აბსოლუტური რეალობაა. პროდასავლური კოალიცია იქნება, მაგრამ წამყვანი ძალა ვიქნებით ჩვენ. როცა მე ქვეყნის პრემიერ-მინისტრი ვიქნები, ვფიქრობ, რომ სხვებს იმ განრიგზე აწყობა მოუწევთ, რომელიც ჩვენ აღმშენებლობის სტრატეგიაში გვაქვს. სწორედ ამიტომ არის ჩემთვის პრინციპული-გაწერილი სტრატეგია, რომლითაც მსურს, კომუნიკაცია მქონდეს ყველასთან“, - აღნიშნა ვაშაძემ.

ვაშაძე პრემიერ-მინისტრ გიორგი გახარიას განცხადებასაც გამოეხმაურა, რომელიც მან სამეგრელოში გააკეთა.

ვაშაძე პრემიერ გახარიას რეაგირებას "ამ უმძიმეს თემაზე" უპასუხისმგებლოს უწოდებს და მიმართავს პრემირს:

"ხვალ გიპასუხებთ, დამელოდეთ", - აცხადებს ვაშაძე.

შეგახსენებთ, რომ „სტრატეგია ღმაშენებლის“ ერთ-ერთი წევრის პირადი ცხოვრების ამსახველი მასალებით შანტაჟის ფაქტი პოლიტიკური მოძრაობის დღვანდელი ბრიფინგის მთავარი თემა იყო.

გიორგი ვაშაძე ქმედებას მმართველი გუნდის პოლიტიკურ ინტერესებს უკავშირებს, რაც ბრიფინგზეც განაცხადა. ამასთან, მიაჩნია, რომ „დამსხვრეული ოცნბების" პარტია არჩევნების წინ შანტაჟსაც არ ერიდება, რაც უმკაცრესად უნდა დაისაჯოს და მმართველი გუნდი გააფრთხილა, რომ განმეორებითი მცდელობის შემთხვევაში, მათი მხრიდან უმკაცრესი რეაგირება მოჰყვებოდა.

ინფორმაციას "სტრატეგია აღმაშენებლის" პრესსამსახური ავრცელებს.