"მდგომარეობა მძიმეა" - რას ამბობს ექიმი 8 წლის ბავშვზე, რომელსაც ახალციხეში მოტოციკლი დაეჯახა
8 წლის ბავშვის ჯანმრთელობის მდგომარეობა, რომელსაც ახალციხეში მოტოციკლი დაეჯახა, უკიდურესად მძიმეა.
როგორც ექიმმა რეანიმატოლოგ-ანესთეზიოლოგმა გიორგი არაბიძემ ჟურნალისტებთან განაცხადა, ამ ეტაპზე რაიმე პროგნოზის გაკეთება პრაქტიკულად შეუძლებელია.
"ამ ეტაპზე პაციენტი იმყოფება რეანიმაციურ განყოფილებაში. აქვს პოლიტრავმული დაზიანებები, ქალაფუძის მოტეხილობები, სახის ძვლების მრავლობითი მოტეხილობები, ბარძაყის ძვლის მოტეხილობა, გულ-მკერდის დაჟეჟილობა. ამ ეტაპისთვის პაციენტი იმყოფება ფილტვის ხელოვნურ ვენტილაციაზე. რაიმე გადაუდებელ ქირურგიულ ჩარევას, ამ ეტაპისთვის არ საჭიროებს. დიდი ალბათობა არსებობს, რომ გართულდეს პაციენტის მდგომარეობა, ტრავმული დაზიანებების გამო, სხვადასხვა სისტემების პათოლოგიები შეიძლება გამოვლინდეს", - განაცხადა გიორგი არაბიძემ.
შეგახსენებთ, ახალციხის მუნიციპალიტეტში 8 წლის ბავშვს მოტოციკლი დაეჯახა. როგორც „ინტერპრესნიუს“ შინაგან საქმეთა სამინისტროში განუცხადეს, მომხარზე გამოძიება სისხლის სამართლის კოდექსის 276–ე მუხლის მეორე ნაწილით დაიწყო, რაც ავტომობილის მოძრაობის უსაფრთხოების, ან ექსპლუატაციის წესის დარღვევას გულისხმობს.
საქართველოში კორონავირუსით ინფიცირების 34 ახალი შემთხვევა გამოვლინდა
"მყავს 300 ფრთა ქათამი და 20 სული საქონელი, მათი საკვები სიმინდიც მომყავს" - ცნობილი შეფ-მზარეულის მეურნეობა ახმეტაში
