"ეს ადამიანი 4 სექტემბერს ჩვენთან მუსიკალურ საღამოზე მოვიდა" - "ცისკარი გარდენის" განცხადება ინფიცირებულ პირზე, რომელიც მათთან იმყოფებოდა

კუს ტბაზე მდებარე კაფე-რესტორანი "ცისკარი გარდენი", სადაც მუსიკალურ საღამოზე მყოფ პირს კორონავირუსი დაუდგინდა, განცხადებას ავრცელებს. მათი ინფორმაციით, ინფიცირებული პირი "ცისკარში" 4 სექტემბერს იმყოფებოდა და მას ბათუმში მოგზაურობის ისტორია აქვს.

"ალბათ უკვე გაიგეთ კორონავირუსის შემთხვევის შესახებ, რომელიც ბათუმში მოგზაურობის მქონე პირს 7 სექტემბერს დაუდასტუდა. ეს ადამიანი 4 სექტემბერს იმყოფებოდა Ciskari Garden-ის სივრცეში მუსიკალურ საღამოზე. პირველ რიგში, გვინდა ამ ადამიანს გამოჯანმრთელება ვუსურვოთ.

ჩვენ აქტიურად ვთანამშრომლობთ შესაბამის უწყებებთან და სამსახურებთან და ყველა პროცედურისა და პროტოკოლის დაცვით ვმოქმედებთ. საბედნიროდ ეპიდემიოლოგიური მოკვლევის შედეგად დადგენილია ყველა კონტაქტი, Ciskari Garden-ის არცერთი თანამშრომელი არ არის განსაზღვრული ახლო კონტაქტად. როგორც ჩვენთვისაა ცნობილი არ არსებობს განსაკუთრებული შიშისა და შეშფოთების საფუძველი, ვინაიდან Ciskari Garden სრულად ღია სივრცეა, სადაც ნაკლებია შანსი ვირუსის გადაცემის.

ასევე, გვინდა ხაზი გავუსვათ, რომ ცისკარი და Ciskari Garden ორი დამოუკიდებელი სივრცეა, განსხვავებული კონცეფციითა და განსხვავებული პერსონალით. ცისკარის სტუმრები არ არიან რაიმე საფრთხის ქვეშ და ამ ეტაპზე, არ არსებობს საფუძველი რესტორნის მუშაობის შეფერხების" - ნათქვამია განცხადებაში.