"148 ინფიცირებულიდან 38-ს პნევმონია აქვს... ადგილებიც აღარ გვაქვს" - ბათუმის  რესპუბლიკური საავადმყოფოს ექიმი

ბათუმის რესპუბლიკურ საავადმყოფოში მოთავსებული 148 კოვიდ ინფიცირებულიდან 38-ს პნევმონია აქვს.

როგორც კლინიკის ექიმმა გია კიკაბიძემ განაცხადა, ოთხი პაციენტი რეანიმაციულ განყოფილებაშია მოთავსებული და მათი მდგომარეობა საშუალო სიმძიმისაა.

"38 პაციენტს პნევმონია აღენიშნება. მათი მდგომარეობა სტაბილურია და კონტროლს ექვემდებარება.

ბათუმის რესპუბლიკურ საავადმყოფოში ჯერჯერობით ადგილები არა გვაქვს, მაგრამ თუ გადავიყვანთ საკარანტინო ზონაში,შემდეგ ვნახავთ რამდენი ადგილი გამოგვითავისუფლდება",- განაცხადა გია კიკაბიძემ.