სამსახურიდან გათავისუფლებულმა ფილიპინელმა პოლიციელმა ტურისტების ავტობუსი გაიტაცა

ფილიპინების დედაქალაქ მანილაში, სამსახურიდან დათხოვნილმა პოლიციელმა ტურისტული ავტობუსი გაიტაცა, რომლითაც 25 ჰონკონგელი მოგზაურობდა. 6 მძევალი, რომელთაგან სამი ბავშვია, უკვე გათავისუფლებულია.

ამჟამად ავტობუსი ქალაქის ცენტში, ლუნეტას პარკშია და პოლიციელებითაა გარშემორტყმული. გამტაცებელთან, რომელიც ყოფილი პოლიციელია, მძევალთა გათავისუფლებაზე ამ დრომდე მოლაპარაკებები მიმდინარეობს.

გამტაცებელი - როლანდო მენდოსა სამართალდამცველი სტრუქტურიდან 2008 წელს გაუთავისუფლებიათ, რისი მიზეზიც ქურდობა, გამოძალვა და ნარკობიზნესთან კავშირი ყოფილა. ახლა ის ავტომატური იარაღით М-16-ით არის შეიარაღებული და სამსახურში აღდგენას ითხოვს.

მომზადებულია bbc.co.uk-ის მიხედვით.