ავტორი:

ყაზბეგში დააკავეს პირი, რომელმაც 39 წლის მამაკაცი მოკლა - მოტივი მამის მკვლელობისთვის შურისძიებაა

ყაზბეგში დააკავეს პირი, რომელმაც 39 წლის მამაკაცი მოკლა - მოტივი მამის მკვლელობისთვის შურისძიებაა

ყაზბეგში დააკავეს პირი, რომელმაც მამის მკვლელობის გამო, შურისძიების მოტივით 39 წლის მამაკაცი მოკლა. ინფორმაციას შინაგან საქმეთა სამინისტრო ავრცელებს.

"შინაგან საქმეთა სამინისტროს მცხეთა-მთიანეთის პოლიციის დეპარტამენტის თანამშრომლებმა, ჩატარებული საგამოძიებო მოქმედებების შედეგად, რუსეთის ფედერაციის მოქალაქე, 1980 წელს დაბადებული ვ.გ. განზრახ მკვლელობის ბრალდებით, ყაზბეგში დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს.

გამოძიებამ დაადგინა, რომ მიმდინარე წლის 14 სექტემბერს, სასაზღვრო გამშვები პუნქტი "დარიალის" მიმდებარე ტერიტორიაზე, ურთიერთშელაპარაკებისას წარმოშობილი კონფლიქტის დროს, დაკავებული ვ.გ.-ს მამას - 1956 წელს დაბადებულ ა.გ.-ს საქართველოსა და რუსეთის ორმაგმა მოქალაქემ, 1981 წელს დაბადებულმა ა. მ.-მ მიაყენა ჯანმრთელობის დაზიანება, რის შედეგადაც ა.გ.- გარდაიცვალა.

ამის შემდეგ, გარდაცვლილი ა.გ.-ს შვილმა - ვ.გ.-მ, შურისძიების მოტივით, ცივი იარაღისა და ბლაგვი საგნის გამოყენებით მრავლობითი დაზიანება მიაყენა ა.მ.-ს, რასაც მისი გარდაცვალება მოჰყვა. პოლიციამ ვ.გ. მომხდარიდან რამდენიმე საათში, ცხელ კვალზე დააკავა. გამოძიება განზრახ მკვლელობის ფაქტზე მიმდინარეობს, საქართველოს სსკ-ის 108-ე მუხლით" - ნათქვამია განცხადებაში.

"ბუზები აღმოვაჩინე თამარის მანქანაში, ასეთივე ვნახე ვილა "ალგეთში" - რას ამბობს ბაჩალიაშვილის მამა "ბუზების ექსპერიმენტზე", რომელიც დღეს ჩატარდება

რუსთავში, სკოლის ტეროტორიაზე 40-მდე არასრულწლოვანი ერთმანეთს ფიზიკურად დაუპირისპირდა - "იყო სროლის ხმაც"

"ჩემს ოთახში ვიყავი და გავიგონე გასროლის ხმა..." - მორაგბე რამაზ ხარაზიშვილის დაჭრის ფაქტზე პოლიციამ რამდენიმე პირი გამოკითხა