ხმაური იყო "პრესტიჟის" საკარანტინე ზონაში - მოქალქეები სასტუმროს თვითნებურად დატოვებას ცდილობდნენ

ბათუმში, სასტუმრო "პრესტიჟში" ხმაური იყო. მოქალაქეები, რომლებიც აღნიშნულ სასტუმროში საკარანტინო რეჟიმში იმყოფებიან, აცხადებენ, რომ PCR ტესტებზე პასუხებს დაგვიანებით იღებენ.

მოქალაქეები სასტუმროს თვითნებურად დატოვებას ცდილობდნენ, რის საშუალებასაც სასტუმროს ადმინისტრაციის თანამშრომლები და სამართალდამცავები არ აძლევდნენ.

მოქალაქეების თქმით, საკარანტინო პერიოდი ამოეწურათ და სასტუმროში ტყუილად ამყოფებენ.

მოქალაქეთა პროტესტს დაავადებათა კონტროლის ეროვნული ცენტრის დირექტორი ამირან გამყრელიძე გამოეხმაურა და განაცხადა, რომ აჭარაში გასული 24 საათის განმავლობაში 4000 PCR ტესტი ჩატარდა, რამაც შეფერხება გამოიწვია.

მისივე თქმით, მსგავსი გაუგებრობა აღარ იქნება.