"ფულის გულისთვის მოკვდა ადამიანი..." - ახალი დეტალები ხაშურიდან, სადაც 39 წლის მამაკაცი სასიკვდილოდ ყოფილმა უფროსმა დაჭრა
ხაშურში მომხდარ მკვლელობასთან დაკავშირებით "ტვ პირველი" ახალ დეტალებს ავრცელებს. ტელეკომპანიის ცნობით, 39 წლის მამაკაცი სასიკვდილოდ ყოფილმა უფროსმა დაჭრა.
შემთხვევა სამშენებლო მასალების მწარმოებელ კომპანია "ელიში" მოხდა, სადაც ბუხუტი წოწოლაშვილი რამდენიმე თვის განმავლობაში მუშაობდა და იქ კუთვნილი თანხის ასაღებად მივიდა.
არსებული ინფორმაციით, ის ყოფილ უფროსს, კომპანიის მენეჯერს დანით ემუქრებოდა, რის შემდეგად მენეჯერმა საპასუხოდ იარაღიდან ესროლა. წოწოლაშვილი ფეხის არეში დაიჭრა, გადაეჭრა არტერია და საავადმყოფოში გადაყვანის დროს სისხლდენისგან გარდაიცვალა.
"როგორც ამბობენ, ფულის გულისთვის მოკლეს ადამიანი. თუმცა ამბობენ, ის პიროვნება, ვინც ისროლა, თავდაცვის მიზნით ისროლაო..." - ამბობენ "ტვ პირველთან" საუბრისას ადგილობრივები.
პოლიციამ მაღაზიის მენეჯერი უკვე დააკავა. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 117-ე და 236-ე მუხლებით მიმდინარეობს, რაც ჯანმრთელობის განზრახ მძიმე დაზიანებასა და ცეცხლსასროლი იარაღის მართლსაწინააღმდეგო შეძენა, შენახვა, ტარებას ითვალისწინებს.
პროკურატურამ თერჯოლაში 11 წლის შვილის თვითმკვლელობამდე მიყვანის ფაქტზე ბრალდებულ მამას ბრალდება დაუმძიმა
აბორტი საქართველოში შესაძლოა, აიკრძალოს და სისხლის სამართლებრივ პასუხისმგებლობას დაექვემდებაროს
