ავტორი:

"აფხაზეთში ერთ-ერთი სკოლის დაწყებითი კლასის მოსწავლეები და მასწავლებლები კარანტინში გადაიყვანეს" - რას წერს ადგილობრივი მედია

"აფხაზეთში ერთ-ერთი სკოლის დაწყებითი კლასის მოსწავლეები და მასწავლებლები კარანტინში გადაიყვანეს" - რას წერს ადგილობრივი მედია

ოკუპირებული სოხუმის №4 საშუალო სკოლის დაწყებითი კლასის მოსწავლეები და მასწავლებლები კარანტინში გადაიყვანეს, - ამის შესახებ ინფორმაციას ადგილობრივი მედია ავრცელებს.

ე.წ. ქალაქის ადმინისტრაციის ცნობით, გადაწყვეტილება მას შემდეგ მიიღეს, რაც სკოლაში კორონავირუსის შემთხვევები გამოვლინდა.

მათივე ინფორმაციით, აღნიშნული სკოლის დაწყებით კლასებში სულ 18 პედაგოგი ასწავლის და 570 მოსწავლე სწავლობს. პედაგოგების უმეტესობა სხვა სკოლებში შეთავსებით მუშაობს, ამიტომ ისინი ვირუსის პოტენციური გადამტანები არიან.

ე.წ. განათლების დეპარტამენტის უფროსის ასტანდა ტარკილის განცხადებით, მას შემდეგ, რაც სოხუმის №1 სკოლის პედაგოგი კორონავირუსით გარდაიცვალა, სკოლების რამდენიმე ხანდაზმულმა პედაგოგმა დროებით უხელფასოდ გათავისუფლება მოითხოვა.

„ვფიქრობ, ჩვენ ამაზე წავალთ, ჩანაცვლება მოხდება. ჩვენი ასაკოვანი პედაგოგები დაავადების მიმართ მღელვარებას გამოხატავენ, ”- აღნიშნა ტარკილმა.

ოკუპირებულ აფხაზეთში კორონავირუსის 56 ახალი შემთხვევა დაფიქსირდა

"პრეზიდენტად 500 კაცს არ ავურჩევივარ, მუშაობას მომავალ არჩევნებამდე გავაგრძელებ" - ანატოლი ბიბილოვი თანამდებობის დატოვებას არ აპირებს

​ოკუპირებულ აფხაზეთში კორონავირუსის 18 ახალი შემთხვევა გამოვლინდა