ექიმებისა და პაციენტების აჭარული ცეკვა რეანიმაციაში - ინფიცირებული ქალბატონის ვიდეოს, ბათუმის კლინიკიდან, უამრავი ადამიანი აზიარებს

კორონავირუსით ინფიცირებული პაციენტი ბათუმში, კლინიკა "ბაუში", რეანიმაციული განყოფილებიდან კადრებს ავრცელებს, რომელსაც სოციალურ ქსელში უამრავი ადამიანი აზიარებს.

"ბაუს საავადმყოფოს რეანიმაციული განყოფილება, სადაც დიდი სიყვარულით და სითბოთი გვივლიან, მადლობა ამ ახალგაზრდა მომავალ ექიმებს, რომლებმაც გაგვილამაზეს დაძაბული დღეები" - წერს მადონა თურმანიძე. მის მიერ გამოქვეყნებულ კადრებში ჩანს, რომ კლინიკაში განწყობა საკმაოდ კარგია. ისმის აჭარული მუსიკის ხმაც, რომელზეც პაციენტები და ექიმები ერთად ცეკვავენ.