გამომცემლობა "პალიტრა L" გიორგი კეკელიძის ახალ გამოწვევას უერთდება
გამომცემლობა "პალიტრა L" უერთდება ეროვნული ბიბლიოთეკის დირექტორის გიორგი კეკელიძის წამოწყებას, რომელიც წიგნიერების მხარდასაჭერად, მორიგ სახალისო გამოწვევას გვთავაზობს.
მონაწილეობის წესები ასეთია:
უნდა გადაიღოთ ფოტო ნებისმიერ ადგილას: ავტობუსში, მანქანაში, მატარებელში, გაჩერებაზე, თქვენთვის საყვარელ მყუდრო ან თუნდაც უცნაურ ადგილზე;
უნდა ატვირთოთ საკუთარ "ფეისბუქ" კედლებზე ჰეშთეგით #კითხვაშემიძლიაყველგან;
სასურველია, ფოტოზე ჩანდეთ თავად თქვენ, კითხვის დროს.
გამომცემლობა გამოავლენს ყველაზე ორიგინალურ 2 ფოტოს, რომელიც გამოქვეყნდება მათ გვერდზე და ავტორებს “პალიტრა L-სგან" გადაეცემათ საჩუქრები.
"რადგან კითხვა ამცირებს სტრესს, გვაქცევს მეტად ემპათიურ ადამიანებად და უკეთეს მოსაუბრეებად, გვიუმჯობესებს მეხსიერებასა და აზროვნებას _ გვინდა, რომ ეს პროცესი მაქსიმალურად წავახალისოთ", - მარიამ აბდუშელიშვილი, გამომცემლობა "პალიტრა L-ის" საზოგადოებასთან ურთიერთობის მენეჯერი.
რას შეიტყობს მკითხველი "დიდი ვიზუალური ენციკლოპედიის" პირველი ტომიდან
TOP 100 პროდუქტზე 50%-მე ფასდაკლება "ბიბლუსისგან"
