ბათუმის მოხუცთა თავშესაფარში 20 ადამიანს კორონავირუსი დაუდასტურდა - რას ამბობენ აჭარის ჯანდაცვის სამინისტროში?

ბათუმის მოხუცთა თავშესაფარში 20 ადამიანს კორონავირუსი დაუდასტურდა, მათგან 13 - თავშესაფრის ბინადარია, 7 კი - თანამშრომელი. კიდევ ხუთი ადამიანი ტესტის პასუხს ელოდება.

როგორც აჭარის ჯანდაცვის სამინისტროში AMBEBI.GE-ს განუცხადეს, თავშესაფრის ინფიცირებული ბენეფიციარები საავადმყოფოში გადაიყვანეს, ხოლო თანამშრომლები კი კოვიდსასტუმროებში გადაანაწილეს.

შეგახსენებთ, რომ ბოლო 24 საათში საქართველოში კორონავირუსით ინფიცირების 314 ახალი შემთხვევა დადასტურდა, გამოჯანმრთელდა 270 ადამიანი, გარდაიცვალა 2 პაციენტი. ახალი შემთხვევებიდან ყველაზე მეტი - 225 აჭარიდანაა.