"დაიჯერეს, რომ მართლა არის კოვიდინფექცია" - მარინა ენდელაძე რამდენიმედღიანი პიკის შემდეგ, ინფიცირების შემთხვევათა შემცირებას პროგნოზირებს

კარგია რომ ყველა ინფიცირებული ვლინდება და არ რჩება ბინაზე და საზოგადოებაში“, - ამის შესახებ თბილისის ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ განაცხადა.

მისივე თქმით, რამდენიმე დღის განმავლობაში, შესაძლოა, კორონავირუსის შემთხვევების პიკი იყოს, შემდეგ კი რაოდენობა თანდათან შემცირდეს.

„ყველა ინფიცირებული თანდათან ვლინდება, ეს კარგია, რომ ყველა ინფიცირებული ვლინდება და არ რჩება ბინაზე და საზოგადოებაში. შესაბამისად, ვფიქრობ რამდენიმე დღე გვექნება პიკი, შემდეგ კი შემცირდება“, - განაცხადა ენდელაძემ.

ენდელაძის განცხადებით, სხვა რეგიონებისგან განსხვავებით, თბილისში უფრო მეტად ხდება რეკომენდაციების დაცვა.

კითხვაზე, თუ რით არის განპირობებული თბილისში არსებული სტაბილური ეპიდვითრება და არის თუ არა ეს დაკავშირებული რეგულაციების უფრო მეტად დაცვაზე სხვა რეგიონებთან შედარებით, მარინა ენდელაძე განმარტავს, რომ თბილისში „დაიჯერა ხალხმა მართლა რომ არის კოვიდინფექცია“.

„სავარაუდოდ ასეა, გუშინდელთან შედარებით არის მომატებული, მაგრამ მაქსიმალური დატესტვა მიდის და ეს ამის შედეგია. ვფიქრობ, თბილისში უფრო მეტად ხდება რეკომენდაციების დაცვა, დაიჯერა ხალხმა, რომ მართლა არის კოვიდინფექცია“, -განაცხადა მარინა ენდელაძემ.

რაც შეეხება საკლასო ოთახებში სასწავლო პროცესის განახლებას ეპიდვითარების ფონზე, მარინა ენდელაძის თქმით, სკოლებიდან ინფექციის მასიური გავრცელება არ უნდა მოხდეს.

„აუცილებელია რეგულაციების დაცვა, როგორც ვიცი, სკოლები მზად არიან იმისთვის, რომ მაქსიმალურდ შეძლონ რეგულაციების დაცვა, ვფიქრობ, არ უნდა იყოს სკოლებიდან ვირუსის მასობრივი გავრცელება“, - განაცხადა ენდელაძემ.